മൊഹാലി: പുല്‍വാമ ഭീകരാക്രമണത്തില്‍ വീരമൃത്യു വരിച്ച ജവാന്‍മാരുടെ കുടുംബത്തിന് ആശ്വാസവുമായി ഐപിഎല്‍ ടീം കിങ്‌സ് ഇലവന്‍ പഞ്ചാബ്. ആക്രമണത്തില്‍ മരിച്ച അഞ്ച് സിആര്‍പിഎഫ് ജവാന്‍മാരുടെ കുടുംബത്തിന് അഞ്ച് ലക്ഷം രൂപം വീതം ടീം നല്‍കി.
പഞ്ചാബിലേയും ഹിമാചല്‍ പ്രദേശിലേയും ജവാന്‍മാരുടെ കുടുംബാംഗങ്ങള്‍ക്കാണ് തുക കൈമാറിയത്. ജയ്മല്‍ സിങ്, സുഖ്ജിന്ദര്‍ സിങ്, മനിന്ദര്‍ സിങ്, കുല്‍വിന്ദര്‍ സിങ്, തിലക് രാജ് എന്നിവരുടെ കുടുംബത്തിനാണ് അഞ്ച് ലക്ഷം വീതം ടീം നല്‍കിയത്.
ടീം ക്യാപ്റ്റന്‍ ആര്‍ അശ്വിന്‍, സിആര്‍പിഎഫ് അധികൃതര്‍ എന്നിവര്‍ ചേര്‍ന്ന് കുടുംബാംഗങ്ങള്‍ക്ക് ചെക്കുകള്‍ കൈമാറി. ഈ മാസം 23 മുതല്‍ ഐപിഎല്‍ 12 സീസണ്‍ പോരാട്ടങ്ങള്‍ തുടങ്ങുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ