കിങ്‌സ് ഇലവന്‍ പഞ്ചാബിനെതിരായ മുംബൈയുടെ മത്സരത്തിലെ ക്രുനാല്‍ പാണ്ഡ്യയുടെ മങ്കാദിക് മുന്നറിയിപ്പാണ് ഇപ്പോള്‍ ആരാധകര്‍ക്കിടയില്‍ ചര്‍ച്ചയാവുന്നത്. അശ്വിനുള്ള മറുപടിയായിരുന്നു ഇതെന്ന നിലയിലാണ് ആരാധകരുടെ അഭിപ്രായം ഉയരുന്നത്.
കിങ്‌സ് ഇലവന്‍ പഞ്ചാബിന്റെ പത്താമത്തെ ഓവറിലായിരുന്നു സംഭവം. ഓവറിലെ നാലാം ഡെലിവറി എറിയുവാന്‍ എത്തിയ ക്രുനാല്‍, ബൗളിങ് ആക്ഷന്‍ പൂര്‍ണമാകുന്നതിന് മുന്‍പേ ക്രീസ് വിട്ട കിങ്‌സ് ഇലവന്‍ താരം അഗര്‍വാളിനെ മങ്കാദിങ് ചെയ്യാന്‍ എന്നോണം പുറകോട്ടായുന്നു.
എന്നാല്‍ സ്റ്റംപ് ഇളക്കാന്‍ തയ്യാറാവാതിരുന്ന ക്രുനാല്‍, ഒന്നും സംഭവിച്ചിട്ടില്ലാ എന്നവണ്ണം ബൗളിങ് എന്‍ഡിലേക്ക് നടന്നു. മങ്കാദിങ് ചെയ്യുക എന്നത് അവിടെ ക്രുനാലിന്റെ ലക്ഷ്യമായിരുന്നില്ല എന്ന് വ്യക്തം. ക്രുനാലിന്റെ ഈ നീക്കത്തിന് ക്രിക്കറ്റ് ലോകത്ത് നിന്നും വലിയ കയ്യടിയാണ് ലഭിക്കുന്നത്.
രാജസ്ഥാന്‍ റോയല്‍സ് താരം ജോസ് ബട്ട്‌ലറെ മങ്കാദിങ് ചെയ്ത അശ്വിന്റെ നടപടി വലിയ വിമര്‍ശനത്തിന് ഇടയാക്കിയിരുന്നു. ഇതിന് പിന്നാലെ, മങ്കാദിങ്ങിനെ അനുകൂലിച്ചും, എതിര്‍ത്തും വലിയ ചര്‍ച്ചയും ക്രിക്കറ്റ് ലോകത്തിനുള്ളില്‍ ഉടലെടുത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ