ന്യൂയോര്‍ക്ക് : യുഎസ് ഓപ്പണ്‍ ടെന്നീസ് കിരീടം റാഫേല്‍ നദാലിന്. പുരുഷ സിംഗിള്‍സ് ഫൈനലില്‍ റഷ്യയുടെ ഡാനി മെദ് വദേവിനെയാണ് നദാല്‍ പരാജയപ്പെടുത്തിയത്. അഞ്ചുസെറ്റ് നീണ്ട പോരാട്ടത്തിനൊടുവിലാണ് നദാലിന്റെ വിജയം. സ്‌കോര്‍ 7-5, 6-3, 5-7, 4-6, 6-4 

ഇത് നാലാംതവണയാണ് സ്പാനിഷ് താരം യുഎസ് ഓപ്പണ്‍ കിരീടം നേടുന്നത്. ഈ സീസണിലെ നദാലിന്റെ രണ്ടാം ഗ്രാന്റ് സ്ലാം കിരീടനേട്ടമാണിത്. സ്പാനിഷ് താരത്തിന്റെ 19-ാം ഗ്രാന്റ്സ്ലാം കിരീടനേട്ടം കൂടിയാണിത്. 20 കിരീടം നേടിയ സ്വിസ് താരം റോജര്‍ ഫെഡറര്‍ മാത്രമാണ് നദാലിന് മുന്നിലുള്ളത്.