മാഞ്ചസ്റ്റര്‍: ഇംഗ്ലണ്ടിനെതിരായ ആദ്യ ടെസ്റ്റിന്റെ രണ്ടാം ദിനം മുന്‍തൂക്കം നേടിയാണ് ഇംഗ്ലണ്ട് അവസാനിപ്പിച്ചത്. എന്നാല്‍ കളിക്കിടയില്‍ ഡ്രിങ്ക്‌സുമായി മുന്‍ നായകന്‍ സര്‍ഫ്രാസ് അഹ്മദ് വന്നതോടെ പാക് ടീമിനെതിരെ വിമര്‍ശനം ഉയരുകയാണ്.
മുന്‍ നായകനെ ഡ്രിങ്ക്‌സുമായി അയക്കുന്നതിന് പകരം ജൂനിയര്‍ താരങ്ങളെ ഇതിനായി നിയോഗിച്ച് കൂടേയെന്നാണ് ആരാധകരുടെ ചോദ്യം. മാഞ്ചസ്റ്ററില്‍ പ്ലേയിങ് ഇലവനില്‍ സര്‍ഫ്രാസിനെ ഉള്‍പ്പെടുത്തിയിരുന്നില്ല. മുന്‍ ക്യാപ്റ്റനെ വാട്ടര്‍ ബോയ് ആക്കിയത് വിവാദത്തിന് ഇടയാക്കിയതോടെ ടീം പരിശീലകന്‍ മിസ്ബാ ഉള്‍ ഹഖ് വിശദീകരണവുമായി എത്തി.
ഇതില്‍ അസ്വഭാവികമായി ഒന്നുമില്ലെന്നാണ് മിസ്ബാ ഉള്‍ ഹഖിന്റെ പ്രതികരണം. നായകനായിരിക്കെ ഓസ്‌ട്രേലിയയില്‍ കളിക്കുമ്പോള്‍ ഞാന്‍ ഡ്രിങ്ക്‌സുമായി ഗ്രൗണ്ടിലേക്ക് എത്തിയിരുന്നു അന്ന് ഞാന്‍ പന്ത്രണ്ടാമനായിരുന്നു, മിസ്ബാ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ