ലിസ്ബണ്‍: ചരിത്രത്തിലാദ്യമായി ചാമ്പ്യന്‍സ് ലീഗ് ഫൈനലില്‍ കടന്ന് പിഎസ്ജി. സെമിയില്‍ എതിരില്ലാത്ത മൂന്ന് ഗോളിന് ലെപ്‌സിഗിനെ തകര്‍ത്താണ് ജര്‍മന്‍ സംഘം ഫൈനല്‍ തൊട്ടത്.
തുടക്കം മുതല്‍ മുന്‍തൂക്കം നിലനിര്‍ത്തി കളിച്ച പിഎസ്ജി 13ാം മിനിറ്റില്‍ മാര്‍ക്വീഞ്ഞോസിലൂടെ ഗോള്‍വല കുലുക്കി. 42ാം മിനിറ്റില്‍ നെയ്മറുടെ ഫഌക് പാസില്‍ നിന്ന് ഗോള്‍ വല കുലുക്കി ഡി മരിയ പിഎസ്ജിയുടെ ലീഡ് ഉയര്‍ത്തി. പിന്നാലെ രണ്ടാം പകുതി ആരംഭിച്ച് തൊട്ടുപിന്നാലെ ഡി മരിയയുടെ ക്രോസില്‍ നിന്ന് ബെര്‍നറ്റും വല കുലുക്കിയതോടെ ലൈപ്‌സിഗിന്റെ തിരിച്ചു വരവ് പ്രതീക്ഷകള്‍ അസ്തമിച്ചു.
പിഎസ്ജിയുടെ വേഗതയ്ക്കും കൃത്യമായ പാസുകള്‍ക്കുമൊപ്പം കിടപിടിക്കാന്‍ ലൈപ്‌സിഗിനായില്ല. സ്റ്റാര്‍ട്ടിങ് ലൈനപ്പിലേക്ക് എംബാപ്പെ എത്തിയത് പിഎസ്ജിയുടെ ഊര്‍ജം കൂട്ടി. ഗോള്‍ നേട്ടം ഉയര്‍ത്താന്‍ പിഎസ്ജിക്ക് മുന്‍പില്‍ വഴികള്‍ തുറന്നെങ്കിലും അവസരങ്ങള്‍ മുതലെടുക്കാനായില്ല. ബയേണ്‍-ലയോണ്‍ സെമി പോരില്‍ ജയം പിടിക്കുന്നവര്‍ പിഎസ്ജിയുടെ എതിരാളികളായി വരും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ