മുംബൈ: പരിക്ക് ഭേദമായി ഫിറ്റ്‌നസ് പരീക്ഷ പാസായി ഓസ്‌ട്രേലിയക്കെതിരായ ടെസ്റ്റ് പരമ്പരയ്ക്കുള്ള തയ്യാറെടുപ്പിലാണ് ഇന്ത്യന്‍ ഓപണര്‍ രോഹിത് ശര്‍മ. നിരീക്ഷണ കാലാവധി പൂര്‍ത്തിയാക്കിയ ശേഷം ഹിറ്റ്മാന്‍ ടീമിനൊപ്പം ചേരും. മൂന്നാം ടെസ്റ്റിലായിരിക്കും രോഹിത് ഇന്ത്യക്കായി കളിക്കാനിറങ്ങുക.
നിലവില്‍ നിരീക്ഷണത്തിലിരിക്കുന്ന രോഹിത് സാമൂഹിക മാധ്യമങ്ങളില്‍ സജീവമാണ്. വിവാഹ വാര്‍ഷികത്തോടനുബന്ധിച്ച് ദിവസങ്ങള്‍ക്ക് മുന്‍പ് രോഹിത് പോസ്റ്റിട്ടിരുന്നു.
ഇപ്പോഴിതാ ഭാര്യ റിതിക സച്ച്‌ദേയ്ക്ക് പിറന്നാള്‍ ആശംസകള്‍ നേര്‍ന്നിരിക്കുകയാണ് രോഹിത്. ഇരുവരും ഒരുമിച്ചുള്ള നിമിഷങ്ങളുടെ ഫോട്ടോകള്‍ക്കൊപ്പം കുറിപ്പും ചേര്‍ത്താണ് രോഹിത് ഇന്‍സ്റ്റഗ്രാമിലൂടെ പിറന്നാള്‍ ആശംസകള്‍ നേര്‍ന്നിരിക്കുന്നത്.
'പിറന്നാള്‍ ആശംസകള്‍ പ്രിയപ്പെട്ടവളെ. എന്നെന്നും സ്‌നേഹം'- ചിത്രത്തോടൊപ്പം രോഹിത് കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ