ന്യൂസിലാന്‍ഡിനെതിരായ ഏകദിന പരമ്പരയില്‍ വീണ്ടും പരാജയപ്പെട്ട് കോഹ്‌ലി. മൂന്നാം ഏകദിനത്തില്‍ 9 റണ്‍സിന് പുറത്തായതോടെ പരമ്പരയില്‍ കോഹ്‌ലി
ആകെ സ്‌കോര്‍ ചെയ്തത് 75 റണ്‍സ് മാത്രം. 

25 ആണ് പരമ്പരയിലെ കോഹ് ലിയുടെ ബാറ്റിങ് ശരാശരി. 2015ല്‍ ബംഗ്ലാദേശിനെതിരായ പരമ്പരയില്‍ 16.33 എന്ന ബാറ്റിങ് ശരാശരി വന്നതിന് ശേഷം ഇത് ആദ്യമായാണ് ഇത്ര കുറവില്‍ കോഹ്‌ലിയുടെ ശരാശരി എത്തുന്നത്. 

ആദ്യ ഏകദിനത്തില്‍ അര്‍ധ ശതകം നേടിയ കോഹ്‌ലി രണ്ടാമത്തെ ഏകദിനത്തില്‍ 15 റണ്‍സും മൂന്നാമത്തേതില്‍ 9 റണ്‍സുമാണ് നേടിയത്. സെഞ്ചുറിയില്ലാതെ ഇത് കോഹ് ലിയുടെ 9ാം ഇന്നിങ്‌സ് ആണ് അവസാനിക്കുന്നത്. 2019 ഓഗസ്റ്റിലാണ് കോഹ് ലി ഏറ്റവും ഒടുവില്‍ ഏകദിനത്തില്‍ സെഞ്ചുറി കണ്ടത്. 

4, 0, 85, 16, 78, 51, 15, 9 എന്നിങ്ങനെയാണ് കോഹ്‌ലിയുടെ കഴിഞ്ഞ 9 ഇന്നിങ്‌സിലെ സ്‌കോര്‍. ന്യൂസിലാന്‍ഡിനെതിരായ ഏകദിന പരമ്പര നഷ്ടപ്പെട്ടതില്‍ കോഹ് ലിയുടെ മോശം ഫോമും കാരണമാണ്. വൈറ്റ് വാഷ് എന്ന നാണക്കേടാണ് ഇപ്പോള്‍ ഇന്ത്യക്ക് മുന്‍പിലുള്ളത്. 31 വര്‍ഷം മുന്‍പാണ് ഇന്ത്യ ഇതിന് മുന്‍പ് ഏകദിനത്തില്‍ വൈറ്റ് വാഷിന് വിധേയമായത്. വിന്‍ഡിസ് ഇന്ത്യയെ 5-0ന് പൊട്ടിച്ചപ്പോഴായിരുന്നു അത്.