രാജ്‌കോട്ട് : രാജ്‌കോട്ടില്‍ നടക്കുന്ന രണ്ടാം ഏകദിനത്തില്‍ ഓസ്‌ട്രേലിയക്ക് ടോസ്. ടോസ് നേടിയ ഓസീസ് നായകന്‍ ആരോണ്‍ ഫിഞ്ച് ഇന്ത്യയെ ബാറ്റിംഗിന് അയച്ചു. ഇന്ത്യന്‍ നിരയില്‍ രണ്ട് മാറ്റങ്ങളുണ്ട്.
പരിക്കേറ്റ വിക്കറ്റ് കീപ്പര്‍ ഋഷഭ് പന്തിന് പകരം മധ്യനിര ബാറ്റ്‌സ്മാന്‍ മനീഷ് പാണ്ഡെയെ അന്തിമ ഇലവനില്‍ ഉള്‍പ്പെടുത്തി. പേസ് ബൗളര്‍ ശാര്‍ദൂല്‍ ഠാക്കൂറിന് പകരം നവദീപ് സെയ്‌നിയെയും ടീമില്‍ ഉള്‍പ്പെടുത്തി.
അതേസമയം ഓസീസ് ടീമില്‍ മാറ്റമില്ല. ആദ്യ ഏകദിനത്തില്‍ ഓസീസ് ഓപ്പണര്‍മാരുടെ കരുത്തില്‍ ഇന്ത്യയെ പരാജയപ്പെടുത്തിയിരുന്നു. 10 വിക്കറ്റിനാണ് ഓസീസ് ഇന്ത്യയെ തോല്‍പ്പിച്ചത്. ഫിഞ്ചും വാര്‍ണറും ഓസീസിന് വേണ്ടി സെഞ്ച്വറി നേടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ