ചെന്നൈ: ഇന്ത്യന്‍ മുന്‍ ടെസ്റ്റ് താരം റോബിന്‍ സിങ്ങിന്റെ കാര്‍ പൊലീസ് പിടിച്ചെടുത്തു. ലോക്ക്ഡൗണ്‍ ലംഘിച്ചതിനാണ് നടപടി. കഴിഞ്ഞ ശനിയാഴ്ചയാണ് സംഭവം.
ഈസ്റ്റ് കോസ്റ്റ് റോഡില്‍ നിന്ന് വരികയായിരുന്നു ശനിയാഴ്ച രാവിലെ റോബിന്‍ സിങ്. പരിശോധനയില്‍ ലോക്ക്ഡൗണില്‍ യാത്ര ചെയ്യുന്നതിനുള്ള ഇ പാസ് ഉള്‍പ്പെടെയുള്ള ഒന്നും അദ്ദേഹത്തിന്റെ പക്കലില്ലെന്ന് ബോധ്യമായി. മാത്രമല്ല, യാത്ര ചെയ്യാന്‍ തക്ക അടിയന്തര സാഹചര്യം റോബിന്‍ സിങ്ങിന് ഉണ്ടായില്ലെന്നും പൊലീസ് പറയുന്നു.
സ്വന്തം വീട്ടില്‍ നിന്ന് രണ്ട് കിലോമീറ്ററില്‍ അധികം റോബിന്‍ സിങ് സഞ്ചരിച്ചിരുന്നതായും പോലീസ് ഉദ്യോഗസ്ഥര്‍ വ്യക്തമാക്കി. കോവിഡ് ശക്തമായതോടെ ജൂണ്‍ 19 വരെ ചെന്നൈയില്‍ ലോക്ക്ഡൗണ്‍ പ്രഖ്യാപിച്ചിരിക്കുകയാണ്. ലോക്ക്ഡൗണില്‍ അവശ്യ സാധനങ്ങള്‍ വാങ്ങാന്‍ രണ്ട് കിലോമീറ്ററില്‍ കൂടുതല്‍ ആരും യാത്ര ചെയ്യരുത് എന്ന് ചെന്നൈ പൊലീസ് കമ്മിഷണര്‍ എ കെ വിശ്വനാഥന്‍ നിര്‍ദേശിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ