അന്റീഗ്വാ: ട്വന്റി20 ലോക കിരീടം നിലനിര്‍ത്താന്‍ നിലവിലെ ചാമ്പ്യന്മാര്‍ ഇറങ്ങുക പുതിയ രൂപത്തില്‍. ന്യൂസിലാന്‍ഡിന് എതിരായ പരമ്പരയ്ക്ക് മുന്‍പായാണ് വിന്‍ഡിസ് പുതിയ ജേഴ്‌സിയുമായി എത്തിയത്. 

തവിട്ടു നിറം കലര്‍ന്ന ചുവപ്പും, മഞ്ഞ ജിയോമെട്രിക് പാറ്റേണുമാണ് ശ്രദ്ധ പിടിക്കുന്ന ജേഴ്‌സിയുടെ മുന്‍പില്‍. സ്ലീവില്‍ കടുംചുവപ്പ് നിറം. കനം കുറഞ്ഞ പ്രീമിയം, പെര്‍ഫോമന്‍സ് സ്‌ട്രെച്ച് ഫാബ്രിക്ക് ആണ് ജേഴ്‌സിക്കായി ഉപയോഗിച്ചിരിക്കുന്നത്. 

ടി20 ലോകകപ്പ് എത്തുന്നത് വരെയുള്ള എല്ലാ ടി20 മത്സരങ്ങളിലും വിന്‍ഡിസിന്റെ പുരുഷ-വനിതാ ടീമുകള്‍ ഈ ജേഴ്‌സിയാവും അണിയുക. രണ്ട് വട്ടം ട്വന്റി20 ലോകകപ്പില്‍ മുത്തമിട്ട ടീമാണ് വിന്‍ഡിസ്. 2012ലായിരുന്നു ആദ്യത്തേത്.