ലണ്ടന്‍: ലിവര്‍പൂള്‍ മുന്നേറ്റ നിര താരം സാദിയോ മാനേക്ക് കോവിഡ്. ഇതോടെ മാനേ സ്വയം നിരീക്ഷണത്തിലാണ്. കഴിഞ്ഞ തിങ്കളാഴ്ച ആഴ്‌സണലിനെതിരായ കളിയില്‍ മാനേ കളിച്ചിരുന്നു.
ലിവര്‍പൂളിന്റെ മധ്യനിര താരം തിയാഗോ അല്‍കാന്‍ട്രയ്ക്ക് കോവിഡ് പോസിറ്റീവായിരുന്നു. തിയാഗോയ്ക്ക് കോവിഡ് സ്ഥിരീകരിച്ച് മൂന്ന് ദിവസം പിന്നിടുമ്പോഴാണ് മനേക്കും കോവിഡ് പോസിറ്റീവാകുന്നത്.
മനേക്ക് ചെറിയ കോവിഡ് ലക്ഷണങ്ങള്‍ മാത്രമാണ് ഉള്ളതെന്ന് ലിവര്‍പൂള്‍ വ്യക്തമാക്കി. ഞായറാഴ്ച ആസ്റ്റണ്‍ വില്ലക്കെതിരെയാണ് ലിവര്‍പൂളിന്റെ അടുത്ത പ്രീമിയര്‍ ലീഗ് മത്സരം. ഇത് മനേക്ക് നഷ്ടമാവുമെന്ന് ഉറപ്പാണ്. മനേ ഉള്‍പ്പെടെ ക്ലബിലെ ആറ് കളിക്കാര്‍ക്ക് കോവിഡ് ലക്ഷണങ്ങള്‍ ഉണ്ടായതായാണ് റിപ്പോര്‍ട്ട്. എന്നാല്‍ അക്കാര്യം ക്ലബ് ഇതുവരെ സ്ഥിരീകരിച്ചിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ