പാരിസ്: റോളണ്ട് ഗാരാസിനോടുള്ള റാഫേല്‍ നദാലിന്റെ പ്രണയത്തിന് ഒരു മാറ്റവുമില്ല. ഫ്രഞ്ച് ഓപൺ ടെന്നീസ് പുരുഷ സിം​ഗിൾസ് കിരീടം സ്പെയിനിന്റെ റാഫേൽ നദാലിന്.

ലോക ഒന്നാം നമ്പര്‍ താരം സെര്‍ബിയയുടെ നൊവാക് ദ്യോക്കോവിചിനെ അനായാസം തകര്‍ത്ത് 13ാം തവണയും റാഫ ഫ്രഞ്ച് ഓപണില്‍ മുത്തമിട്ടു. ഒപ്പം 20 ഗ്രാന്‍ഡ് സ്ലാം കിരീടമെന്ന റോജര്‍ ഫെഡററുടെ റെക്കോര്‍ഡിനൊപ്പമെത്താനും റാഫയ്ക്കായി. 

മൂന്ന് സെറ്റ് മാത്രം നീണ്ട പോരാട്ടത്തില്‍ ഒരു ഘട്ടത്തില്‍ പോലും ദ്യോക്കോ നദാലിന് ഭീഷണിയായില്ല. സ്‌കോര്‍ 6-0, 6-2, 7-5.