ഡര്ബന്: വനിതാ ടി20 ക്രിക്കറ്റില് 100 വിക്കറ്റ് നേട്ടം സ്വന്തമാക്കുന്ന ആദ്യ സൗത്ത് ആഫ്രിക്കന് താരമായി ഷബ്നിം ഇസ്മയില്. കിങ്സ്മെഡ് വേദിയായ പാകിസ്ഥാന് എതിരായ ടി20യിലാണ് സൗത്ത് ആഫ്രിക്കന് താരത്തിന്റെ നേട്ടം.
പാകിസ്ഥാന് ഇന്നിങ്സിന്റെ ആറാമത്തെ ഓവറില് അയേഷ സഫറിനെ ക്ലീന് ബൗള്ഡ് ആക്കിയാണ് 100ാം വിക്കറ്റ് നേട്ടം ഷബ്നിം ആഘോഷമാക്കിയത്. 120 ടി20 വിക്കറ്റ് വീഴ്ത്തിയ വെസ്റ്റ് ഇന്ഡീസിന്റെ അനിസ മുഹമ്മദ് ആണ് വിക്കറ്റ് വേട്ടയില് ഒന്നാമത്.
114 വിക്കറ്റ് വീഴ്ത്തിയ ഓസ്ട്രേലിയന് ഓള്റൗണ്ടര് എലിസ് പെറിയാണ് രണ്ടാമത്. 95 ടി20 വിക്കറ്റ് വീഴ്ത്തിയ സ്പിന്നര് പൂനം യാദവാണ് ലിസ്റ്റില് ആദ്യ പത്തിലുള്ള ഇന്ത്യന് താരം. ആറാം സ്ഥാനത്താണ് പൂനം.
പാകിസ്ഥാനെതിരായ ആദ്യ ടി20യില് 125 റണ്സ് വിജയ ലക്ഷ്യം രണ്ട് വിക്കറ്റ് നഷ്ടത്തില് 19ാം ഓവറില് സൗക്ക് ആഫ്രിക്ക മറികടന്നു. 54 പന്തില് നിന്ന് 52 റണ്സ് നേടിയ തസ്മിന് ബ്രിറ്റ്സ് ആണ് അനായാസ ജയത്തിലേക്ക് സൗത്ത് ആഫ്രിക്കയെ എത്തിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ