കൊളംബോ: ശ്രീലങ്കക്കെതിരെ രണ്ടാം ഏകദിനത്തില്‍ തോല്‍വി മുന്‍പില്‍ നില്‍ക്കെ ഇന്ത്യ ജയം പിടിച്ചപ്പോള്‍ പരിശീലകന്‍ രാഹുല്‍ ദ്രാവിഡിന്റെ നേര്‍ക്കാണ് കയ്യടി ഉയര്‍ന്നത്. പരമ്പര ജയം ഉറപ്പിച്ചതിന് ശേഷം ദ്രാവിഡിന്റെ ഡ്രസിങ് റൂമിലെ പ്രസംഗമാണ് ഇപ്പോള്‍ ആരാധകരുടെ മുന്‍പിലേക്ക് വരുന്നത്. 

അവര്‍ പ്രതികരിച്ചു. നമ്മള്‍ പ്രതിസന്ധി ഘട്ടത്തില്‍ ജയിക്കാന്‍ വഴി കണ്ടെത്തി ചാമ്പ്യന്‍ ടീമിനെ പോലെ തിരിച്ച് പ്രതികരിച്ചു. അതിശയകരമായ ജയം, ദ്രാവിഡ് പറയുന്നു. ബിസിസിഐയാണ് ഡ്രസിങ് റൂമിലെ വീഡിയോ പങ്കുവെച്ചത്. 

ദ്രാവിഡിന്റെ ഡ്രസിങ് റൂമിലെ പ്രസംഗത്തിനൊപ്പം സൂര്യകുമാര്‍ യാദവ്, ദീപക് ചഹര്‍,  ഭുവനേശ്വര്‍ കുമാര്‍ എന്നിവരും വീഡിയോയില്‍ സംസാരിക്കുന്നു. 7 വിക്കറ്റ് നഷ്ടത്തില്‍ 193 റണ്‍സ് എന്ന് വീണിടത്ത് നിന്നാണ് ഇന്ത്യ തിരികെ കയറിയത്. 8ാം വിക്കറ്റില്‍ ഭുവിയും ചഹറും ചേര്‍ന്ന സൃഷ്ടിച്ച 84 റണ്‍സ് കൂട്ടുകെട്ടാണ് ഇവിടെ ഇന്ത്യയെ തുണച്ചത്.