സിഡ്‌നി: ഓസീസ് ക്രിക്കറ്റ് താരം ടിം പെയ്ന്‍ സഹപ്രവര്‍ത്തകയ്ക്ക് നഗ്നദൃശ്യങ്ങളും സന്ദേശങ്ങളും അയച്ച സംഭവത്തില്‍ പ്രതികരണവുമായി താരത്തിന്റെ ഭാര്യ. ടിം പെയ്ന്‍ തന്നെ വഞ്ചിച്ചതായി തോന്നി എന്നാണ് ബോണ്‍ പെയ്ന്‍ പ്രതികരിച്ചത്.
എന്നെ വഞ്ചിച്ചതായി തോന്നി. ഒരുപാട് വേദനിച്ചു. അവിടെ ദേഷ്യം പ്രകടിപ്പിക്കാന്‍ എനിക്കായി. ഞങ്ങള്‍ പരസ്പരം വഴക്കിട്ടു. എന്നാല്‍ ഒരുമിച്ച് ജീവിതം മുന്‍പോട്ട് കൊണ്ടുപോകാന്‍ ഞങ്ങള്‍ തീരുമാനിച്ചു, പെയ്‌നിനൊപ്പം ഓസ്‌ട്രേലിയന്‍ മാധ്യമത്തിന് നല്‍കിയ അഭിമുഖത്തില്‍ അവര്‍ പറഞ്ഞു.
വീണ്ടും ഇതിലേക്ക് വലിച്ചിടുന്നത് അനീതിയാണ്‌
ഞങ്ങള്‍ അതെല്ലാം മറന്ന് വര്‍ഷങ്ങള്‍ കഴിയുമ്പോഴാണ് വീണ്ടും ഈ വിഷയം വരുന്നത്. അന്ന് ഇതിനെ എല്ലാം ഞാന്‍ അതിജീവിച്ചതാണ്. വീണ്ടും ഇതിലേക്ക് വലിച്ചിടുന്നു എന്നത് അനീതിയായി തനിക്ക് തോന്നുന്നതായും പെയ്‌നിന്റെ ഭാര്യ പറഞ്ഞു.
നാല് വര്‍ഷം മുന്‍പ് സഹപ്രവര്‍ത്തകയ്ക്ക് പെയ്ന്‍ നഗ്നദൃശ്യങ്ങളും അസ്ലീല സംഭാഷണങ്ങളും അയച്ചതാണ് സംഭവം. ഈ ചാറ്റിന്റെ സ്‌ക്രീന്‍ ഷോട്ടുകള്‍ അടുത്തിടെ പുറത്തായി. ഇതോടെ ടിം പെയ്ന്‍ ഓസ്‌ട്രേലിയന്‍ ടെസ്റ്റ് ടീമിന്റെ നായക സ്ഥാനം രാജി വെച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ