ടോക്യോ: പാരാലിംപിക്‌സ് ബാഡ്മിന്റണില്‍ ഇന്ത്യക്ക് വെള്ളി. ബാഡ്മിന്റണ്‍ എസ് എല്‍ 4 വിഭാഗത്തില്‍ സുഹാസ് യതിരാജ് ആണ് വെള്ളി മെഡല്‍ നേടിയത്. 

ഫൈനലില്‍ ഫ്രാന്‍സ് താരത്തോട് മൂന്ന് സെറ്റ് നീണ്ട പോരാട്ടത്തിനൊടുവില്‍ സുഹാസ് തോല്‍വി സമ്മതിക്കുകയായിരുന്നു. സ്‌കോര്‍ 15-21, 21-17, 21-15. ഫ്രാന്‍സിന്റെ ലൂക്കാസ് മസൂറിനാണ് സ്വര്‍ണം. 

ആദ്യ ഗെയിം സ്വന്തമാക്കിയെങ്കിലും ഫ്രാന്‍സിന്റെ ലോക ഒന്നാം നമ്പര്‍ താരം ലുക്കാസ് മസൂറിന്റെ ശക്തമായ തിരിച്ചു വരവ് പ്രതിരോധിക്കാന്‍ സുഹാസിനായില്ല. ഐഎഎസ് ഉദ്യോഗസ്ഥനായ സുഹാസ് നോയ്ഡയിലെ ജില്ലാ മജിസ്‌ട്രേറ്റാണ്. 

ടോക്യോ പാരാലിംപിക്‌സ് ഇന്ന് അവസാനിക്കും. നാല് സ്വര്‍ണവും എട്ട് വെള്ളിയും ആറ് വെങ്കലവുമായി 18 മെഡലാണ് ഇപ്പോള്‍ ഇന്ത്യയുടെ അക്കൗണ്ടിലുള്ളത്. ഇതോടെ 27ാം സ്ഥാനത്തേക്ക് ഇന്ത്യ എത്തി.