ദുബായ്: പതിനാലാം സീസണ്‍ യുഎഇയില്‍ പുനരാരംഭിക്കുമ്പോള്‍ തങ്ങളുടെ ആദ്യ മത്സരത്തിന് റോയല്‍ ചലഞ്ചേഴ്‌സ് ബാംഗ്ലൂര്‍ ഇറങ്ങുക നിലക്കുപ്പായത്തില്‍. കോവിഡ് മുന്നണി പോരാളികള്‍ക്ക് ആദരവര്‍പ്പിച്ചാണ് ബാംഗ്ലൂര്‍ നീല നിറത്തിലെ ജേഴ്‌സി അണിയുന്നത്.
കൊല്‍ക്കത്തക്കെതിരെ സെപ്തംബര്‍ 20നാണ് ബാംഗ്ലൂരിന്റെ ആദ്യ മത്സരം. കോവിഡ് മുന്നണി പോരാളികളുടെ പിപിഇ കിറ്റിനോട് സാദൃശ്യമുള്ളതിനാലാണ് നീല നിറത്തിലെ കുപ്പായം അണിയുന്നത്. കോവിഡിനെതിരായ പോരാട്ടത്തില്‍ അവരില്‍ നിന്ന് വരുന്ന വിലമതിക്കാനാവാത്ത സേവനത്തിന് ആദരവര്‍പ്പിക്കുകയാണ് ചെയ്യുന്നത് എന്ന് റോയല്‍ ചലഞ്ചേഴ്‌സ് ബാംഗ്ലൂര്‍ പറഞ്ഞു.
നിലവില്‍ ഏഴ് കളിയില്‍ നിന്ന് അഞ്ച് ജയം നേടി നില്‍ക്കുകയാണ് ബാംഗ്ലൂര്‍. പോയിന്റ് പട്ടികയില്‍ മൂന്നാം സ്ഥാനത്താണ് അവര്‍. ആദ്യ മത്സരത്തില്‍ തന്നെ ജയം പിടിച്ച് പ്ലേഓഫീനോട് അടുക്കുകയാണ് ബാംഗ്ലൂര്‍ ലക്ഷ്യം വയ്ക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ