ലണ്ടന്‍: മകന്റെ വസ്ത്രധാരണത്തെ ചൂണ്ടി ഉയര്‍ന്ന വിമര്‍ശനങ്ങള്‍ക്ക് മറുപടിയുമായി പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ. അവന് ഇഷ്ടമുള്ളത് അവന് ധരിക്കും, അല്ലാതെ നിങ്ങള്‍ക്ക് ഇഷ്ടമുള്ളതല്ല എന്നാണ് ഇന്‍സ്റ്റഗ്രാമില്‍ ക്രിസ്റ്റിയാനോ നല്‍കിയ മറുപടി.
റൊണാള്‍ഡോയുടെ അമ്മയാണ് ക്രിസ്റ്റിയാനോ ജൂനിയറിനൊപ്പമുള്ള ഫോട്ടോ പങ്കുവെച്ചത്. ഇതില്‍ നൈക്ക്, അഡിഡാസ് എന്നീ രണ്ട് ബ്രാന്‍ഡ് ക്രിസ്റ്റ്യാനോ ജൂനിയര്‍ അണിഞ്ഞിരിക്കുന്നത് കാണാം. നൈക്കുമായാണ് ക്രിസ്റ്റിയാനോയ്ക്ക് കരാറുള്ളത്.
ഇവിടെ അഡിഡാസിന്റെ സോക്‌സ് ക്രിസ്റ്റിയാനോ ജൂനിയര്‍ അണിഞ്ഞത് ചൂണ്ടിയാണ് ആരാധകരുടെ മോശം കമന്റുകള്‍ എത്തിയത്. 2016 മുതല്‍ നൈക്കുമായി ക്രിസ്റ്റിയാനോയ്ക്ക് കരാറുണ്ട്. ഒരു ബില്യണ്‍ യുഎസ് ഡോളറിന്റെ കരാറാണ് ക്രിസ്റ്റിയാനോയും നൈക്കും തമ്മിലെന്നാണ് റിപ്പോര്‍ട്ടുകള്‍.
നാഷണല്‍ ഡ്യൂട്ടി കഴിഞ്ഞ് പ്രീമിയര്‍ ലീഗിലേക്ക് മടങ്ങി എത്തിയ ക്രിസ്റ്റ്യാനോ ഇന്ന് മാഞ്ചസ്റ്റര്‍ യുനൈറ്റഡിന് വേണ്ടി പ്രീമിയര്‍ ലീഗില്‍ ഇറങ്ങും. എവര്‍ട്ടനാണ് യുനൈറ്റഡിന്റെ എതിരാളികള്‍. പ്രീമിയര്‍ ലീഗില്‍ ഏഴാം സ്ഥാനത്ത് നില്‍ക്കുന്ന യുനൈറ്റഡിന് പോയിന്റ് ടേബിളില്‍ ആദ്യ നാലില്‍ ഇടം നേടണം എങ്കില്‍ ജയം അനിവാര്യമാണ്.
ഈ വാര്‍ത്ത കൂടി വായിക്കൂ,
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്.
ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ