ദുബായ്: തന്റെ നൂറാമത്തെ ട്വന്റി20 മത്സരം വിരാട് കോഹ്‌ലി കളിക്കുക പുതിയ ബാറ്റുമായി. എംആര്‍എഫ് ഗോള്‍ഡ് വിസാര്‍ഡിലേക്കാണ് ഇന്ത്യന്‍ മുന്‍ ക്യാപ്റ്റന്‍ മാറുന്നത്. 

എംആര്‍എഫ് ജീനിയസില്‍ നിന്നാണ് ഗോള്‍ഡ് വിസാര്‍ഡിലേക്കുള്ള കോഹ് ലിയുടെ മാറ്റം. ഏഷ്യാ കപ്പിലെ ഇന്ത്യയുടെ ആദ്യ മത്സരം കോഹ് ലിയുടെ നൂറാം മത്സരമാവും. ഓഗസ്റ്റ് 28നാണ് മത്സരം. 

നിലവില്‍ കോഹ്‌ലി ഉപയോഗിക്കുന്ന ബാറ്റിന്റെ ഭാരം 1.1 കിലോഗ്രാം ആണ്. ഗോള്‍ഡ് വിസാര്‍ഡിലേക്ക് മാറുമ്പോള്‍ ഇത് 1.15 കിലോഗ്രാം ആവും. ഭാരം കൂടിയ ബാറ്റ് ഉപയോഗിക്കുന്നതിലൂടെ കൂടുതല്‍ ദൂരത്തേക്ക് പന്ത് എത്തിക്കാന്‍ കോഹ് ലിക്കാവും. 

സച്ചിന്‍ ടെണ്ടുല്‍ക്കറും വീരേന്ദര്‍ സെവാഗും 1.35 കിലോഗ്രാമിനടുത്ത് ഭാരം വരുന്ന ബാറ്റ് ആണ് ഉപയോഗിച്ചിരുന്നത്. കൂടുതല്‍ ഭാരം കൂടിയ ബാറ്റിലേക്ക് മാറുന്നതിന് മുന്നോടിയായി ജിമ്മിലെ കോഹ് ലിയുടെ പരിശീലനവും ഇതിനോട് ബന്ധപ്പെട്ടായിരുന്നു എന്നും റിപ്പോര്‍ട്ടുകളുണ്ട്. അപ്പര്‍ ബോഡി ബലപ്പെടുത്തുന്ന പരിശീലനത്തിനാണ് ജിമ്മില്‍ കോഹ് ലി പ്രാധാന്യം നല്‍കിയത്.

ഈ വാര്‍ത്ത കൂടി വായിക്കൂ 

ഫോമിലേക്ക് തിരിച്ചെത്തുന്ന സൂചനയുമായി കോഹ്‌ലി; നെറ്റ്‌സില്‍ സ്പിന്നര്‍മാരെ അടിച്ചുപറത്തി 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ