സാവോ പോളോ: ബ്രസീല്‍ ഫുട്‌ബോള്‍ ഇതിഹാസം പെലെ ചികിത്സയില്‍ കഴിയുന്ന ആല്‍ബര്‍ട് ഐന്‍സ്റ്റീന്‍ ആശുപത്രിയില്‍ ഒത്തുകൂടി കുടുംബം. ക്രിസ്മസ് പെലെയ്‌ക്കൊപ്പം ആശുപത്രി മുറിയില്‍ ചിലവഴിക്കുന്ന ചിത്രങ്ങളാണ് കുടുംബാംഗങ്ങള്‍ പുറത്തുവിട്ടത്.
കാന്‍സര്‍ മൂര്‍ച്ഛിച്ചതോടെയാണ് പെലെയ്ക്ക് ആശുപത്രിയില്‍ തുടരേണ്ടി വരുന്നത്. അദ്ദേഹത്തിന്റെ ഹൃദയത്തിന്റേയും വൃക്കകളുടേയും പ്രവര്‍ത്തനവും സാധാരണ നിലയിലല്ലെന്ന് ഡോക്ടര്‍മാര്‍ അറിയിച്ചിരുന്നു. ക്രിസ്മസിനായി പെലെ വീട്ടിലേക്ക് എത്തും എന്നാണ് കുടുംബാംഗങ്ങള്‍ നേരത്തെ അറിയിച്ചിരുന്നത്.
ആരോഗ്യനില മോശമായതോടെ ആശുപത്രിയില്‍ പെലെയ്‌ക്കൊപ്പം ക്രിസ്മസ് ആഘോഷിക്കുകയാണ് കുടുംബം. പെലെയുടെ മകളും മകനും ഉള്‍പ്പെടെ എല്ലാവരും ആശുപത്രിയിലെത്തി.
പെട്ടെന്ന് സുഖം പ്രാപിക്കട്ടെ എന്ന ആശംസയാണ് ലോകം പെലെയ്ക്ക് നല്‍കുന്നത്. ഖത്തര്‍ ലോകകപ്പിന്റെ സമയം ബ്രസീല്‍ ടീം അംഗങ്ങളും പെലെയ്ക്ക് വേണ്ടി ഗ്രൗണ്ടില്‍ വെച്ച് ബാനര്‍ ഉയര്‍ത്തി എത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ