മുംബൈ: എന്തുകൊണ്ട് അര്ജുന് ടെണ്ടുല്‍ക്കറെ സീസണില്‍ കളിപ്പിച്ചില്ല എന്ന ചോദ്യത്തില്‍ പ്രതികരണവുമായി മുംബൈ ഇന്ത്യന്‍സിന്റെ ബൗളിങ് കോച്ച് ഷെയ്ന്‍ ബോണ്ട്. ബാറ്റിങ്ങിലും ഫീല്‍ഡിങ്ങിലും അര്ജുന് മെച്ചപ്പെടാനുണ്ട് എന്നാണ് ഷെയ്ന്‍ ബോണ്ട് പ്രതികരിച്ചത്.
30 ലക്ഷം രൂപയ്ക്കാണ് താര ലേലത്തില്‍ അര്‍ജുനെ മുംബൈ ഇന്ത്യന്‍സ് ടീമിലെത്തിച്ചത്. എന്നാല്‍ ഒരു വട്ടം പോലും അര്ജുന് പ്ലേയിങ് ഇലവനില്‍ അവസരം ലഭിച്ചില്ല. മത്സര ഫലം പ്രധാനമല്ലാതിരുന്ന കളികളില്‍ പോലും അര്‍ജുനെ ഇറക്കാതിരുന്നതോടെ ആരാധകര്‍ ചോദ്യങ്ങളുമായി എത്തി.
അര്ജുന് ഇനിയും മെച്ചപ്പെടേണ്ടതുണ്ട്
അര്ജുന് ഇനിയും കുറച്ച് ജോലികള്‍ കൂടി ചെയ്യാനുണ്ട്. മുംബൈ പോലൊരു ടീമിനെതിരെ കളിക്കുമ്പോള്‍ ടീമിലേക്ക് എത്തുക ഒരു കാര്യവും പ്ലേയിങ് ഇലവനിലേക്ക് കടക്കുന്ന മറ്റൊന്നുമാണ്. അര്ജുന് ഇനിയും മെച്ചപ്പെടേണ്ടതുണ്ട്. എല്ലാവര്‍ക്കും കളിക്കാന്‍ അവസരം ലഭിക്കണം. പക്ഷേ പ്ലേയിങ് ഇലവനിലെ സ്ഥാനം നിങ്ങള്‍ നേടിയെടുക്കേണ്ടതാണ്, ഷെയ്ന്‍ ബോണ്ട് പറഞ്ഞു.
ബാറ്റിങ്ങിലും ഫീല്‍ഡിങ്ങിലുമാണ് പ്രധാനമായും അര്ജുന് മെച്ചപ്പെടേണ്ടത്. അര്ജുന് അത്രയും മുന്നേറാന്‍ കഴിയുമെന്നും ടീമിലേക്ക് എത്താനാവുമെന്നുമാണ് പ്രതീക്ഷിക്കുന്നതെന്നും ഷെയ്ന്‍ ബോണ്ട് പറഞ്ഞു. മുംബൈക്കൊപ്പമുള്ള അര്‍ജുന്റെ രണ്ടാമത്തെ സീസണായിരുന്നു ഇത്. ആദ്യ സീസണില്‍ പരിക്കും അര്ജുന് തിരിച്ചടിയായി.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ