ലണ്ടൻ: ടെസ്റ്റിൽ മാരക ഫോമിൽ ബാറ്റിങ് തുടരുകയാണ് മുൻ ഇംഗ്ലണ്ട് നായകൻ ജോ റൂട്ട്. ന്യൂസിലൻഡിനെതിരായ രണ്ടാം ക്രിക്കറ്റ് ടെസ്റ്റിലും താരം തകർപ്പൻ സെഞ്ച്വറിയാണ് അടിച്ചെടുത്തത്. പരമ്പരയിലെ ആദ്യ ടെസ്റ്റിൽ ശതകം കുറിച്ച് ടെസ്റ്റ് ക്രിക്കറ്റിൽ 10,000 റൺസ് തികയ്ക്കുന്ന താരങ്ങളുടെ എലൈറ്റ് പട്ടികയിൽ റൂട്ട് ഇടംപിടിച്ചിരുന്നു.
രണ്ടാം ടെസ്റ്റിൽ ന്യൂസിലൻഡ് ഒന്നാം ഇന്നിങ്സിൽ കൂറ്റൻ സ്കോർ നേടിയപ്പോൾ അതേനാണയത്തിൽ ഇംഗ്ലണ്ടിന് തിരിച്ചടിക്കാൻ സാധിച്ചത് ഒരറ്റത്ത് നിന്ന റൂട്ടിന്റെ മികവായിരുന്നു. രണ്ടാം ടെസ്റ്റിൽ താരം 176 റൺസാണ് സ്വന്തമാക്കി.
താരം സെഞ്ച്വറി നേടിയപ്പോൾ അതിന് സാക്ഷികളായി സ്റ്റേഡിയത്തിൽ ഇംഗ്ലണ്ട് വനിതാ ദേശീയ ടീമിലെ ചില താരങ്ങളുമുണ്ടായിരുന്നു. അടുത്തിടെ വിവാഹിതരായ ഇംഗ്ലീഷ് പേസർ കാതറിൻ ബ്രന്റ്– നാറ്റ് സീവർ ദമ്പതികൾ, മുൻ ഇംഗ്ലണ്ട് താരം ഇഷാ ഗുഹ തുടങ്ങിയവരൊക്കെയായിരുന്നു സ്റ്റേഡിയത്തിലുണ്ടായിരുന്നത്.
റൂട്ടിന്റെ സെഞ്ച്വറിയെ കാതറിൻ ബ്രന്റ് വരവേറ്റതാണ് ഇപ്പോൾ ശ്രദ്ധ നേടുന്നത്. ‘ട്വെർക്കിങ് ഡാൻസു’മായാണു കാതറിൻ ബ്രന്റ് റൂട്ടിന്റെ ശതകത്തെ വരവേറ്റത്. തൊട്ടടുത്തിരുന്ന സീവറും ഗുഹയും ഇതുകണ്ടു പൊട്ടിച്ചിരിക്കുന്നുണ്ടായിരുന്നു. സംഭവത്തിന്റെ ദൃശ്യങ്ങള് ഇംഗ്ലണ്ട് ക്രിക്കറ്റ് ടീമിന്റെ ആരാധകക്കൂട്ടം ബർമി ആർമി ഔദ്യോഗിക ട്വിറ്റർ ഹാൻഡിലിൽ പങ്കുവച്ചിട്ടുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ