ലാഹോര്: ടി20 ലോകകപ്പിന് മുന്നോടിയായി പാകിസ്ഥാൻ ഇറക്കിയ അവരുടെ ജേഴ്സിയാണ് ഇപ്പോൾ ക്രിക്കറ്റ് ലോകത്തെ ചർച്ചാ വിഷയം. ജേഴ്സി അവതരിപ്പിച്ചതിന് പിന്നാലെ ട്രോളോട് ട്രോളാണ്. പാകിസ്ഥാന്റെ പുതിയ ജേഴ്സി തണ്ണിമത്തനെപ്പോലെയുണ്ടെന്നാണ് ആരാധകര് പറയുന്നത്.
പാകിസ്താന് ജേഴ്സി ഔദ്യോഗികമായി പുറത്തുവിട്ടിട്ടുണ്ട്. എന്നാല് ഇത് പുറത്തിറക്കും മുൻപ് തന്നെ ജേഴ്സിയുടെ ചിത്രം സാമൂഹിക മാധ്യമങ്ങളിലൂടെ ലീക്കായിരുന്നു. പിന്നാലെയാണ് ട്രോളുമായി ആളുകൾ എത്തിയത്.
ഇളം പച്ചയും കടും പച്ചയും കലരുന്നതാണ് പുതിയ ജേഴ്സി. ഇത് തണ്ണിമത്തനെപ്പോലെയുണ്ടെന്നാണ് ആരാധകര് പറയുന്നത്. ഈ ജേഴ്സിയെ ഇന്ത്യന് ജഴ്സിയുമായി താരതമ്യപ്പെടുത്തുന്നവരും നിരവധിയാണ്.
മറ്റ് ചിലര് ഒരു ച്യൂയിംഗത്തിന്റെ കവറിനോടാണ് ജേഴ്സിയെ ഉപമിക്കുന്നത്. ജേഴ്സിയുടെ ഡിസൈന് കണ്ടെത്താന് പാകിസ്താന് ഒരുപാട് വിഷമിച്ചുകാണും എന്ന് കളിയാക്കിയവരും നിരവധി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ