ലാഹോര്‍: പിച്ചില്‍ കൃത്രിമം നടത്തിയ സംഭവത്തെ കുറിച്ച് വെളിപ്പെടുത്തി പാകിസ്ഥാന് മുന്‍ ക്യാപ്റ്റന്‍ ഷാഹിദ് അഫ്രീദി. സംഭവം നടന്ന് 17 വര്‍ഷത്തിന് ശേഷമാണ് അഫ്രീദിയുടെ വെളിപ്പെടുത്തല്‍. പിച്ചില്‍ കൃത്രിമം നടത്തിയതിന്റെ പേരില്‍ 2005ല്‍ അഫ്രീദിയെ ഒരു ടെസ്റ്റില്‍ നിന്നും രണ്ട് ഏകദിനത്തില്‍ നിന്നും വിലക്കിയിരുന്നു.
അതൊരു നല്ല പരമ്പരയായിരുന്നു. ഫൈസലാബാദിലായിരുന്നു ടെസ്റ്റ്. ടെസ്റ്റ് ആയിട്ടും പിച്ചില്‍ നിന്ന് ടേണ്‍ ലഭിച്ചിരുന്നില്ല. സ്വിങ്ങും സീമും പിച്ചിലുണ്ടായില്ല. ബോറടിപ്പിക്കുന്ന വിക്കറ്റായിരുന്നു. എന്റെ പക്കലുള്ള എല്ലാ ശക്തിയുമെടുത്തിട്ടും ഒന്നും സംഭവിക്കുന്നുണ്ടായില്ല, അഫ്രീദി പറയുന്നു.
ചെയ്തത് തെറ്റായിപ്പോയി എന്ന് തോന്നുന്നു
പെട്ടെന്നാണ് ഒരു ഗ്യാസ് സിലിണ്ടര്‍ പൊട്ടിത്തെറിച്ചത്. ഇതോടെ എല്ലാവരുടേയും ശ്രദ്ധ അതിലേക്കായി. ഈ പിച്ച് കേടാക്കാന്‍ എനിക്ക് തോന്നുന്നുണ്ട്. പന്ത് ടേണ്‍ ചെയ്യിക്കണം എന്ന് ഞാന്‍ മാലിക്കിനോട് പറഞ്ഞു. ചെയ്യൂ, ആരും നോക്കുന്നില്ല എന്നാണ് മാലിക്ക് മറുപടി നല്‍കിയത്. ഞാന്‍ ചെയ്യുകയും ചെയ്തു, അഫ്രീദി പറയുന്നു.
പിന്നെ സംഭവിച്ചത് ചരിത്രമാണ്. ഇപ്പോള്‍ അതിലേക്ക് തിരിഞ്ഞു നോക്കുമ്പോള്‍ ചെയ്തത് തെറ്റായിപ്പോയി എന്ന് തോന്നുന്നു, അഫ്രീദി പറഞ്ഞു. പാക് ടെലിവിഷന്‍ ചാനലിലാണ് അഫ്രീദിയുടെ പ്രതികരണം. 27 ടെസ്റ്റുകളും 398 ഏകദിനങ്ങളുമാണ് അഫ്രീദി പാകിസ്ഥാന് വേണ്ടി കളിച്ചത്. 99 ട്വന്റി20യിലും പാക് ജഴ്‌സി അണിഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ