അഹമ്മദാബാദ്: ഹോക്കി, കബഡി, ഫുട്ബോൾ, ചെസ് എന്നിവയിൽ സച്ചിൻ ടെൻഡുൽക്കറുടെ കായിക ഇനം ഏതാണ്? ചോദ്യം കണ്ട കുട്ടികൾ ആകെ ആശയക്കുഴപ്പത്തിലായി. ഗുജറാത്തിലെ മൂന്നാം ക്ലാസ് വിദ്യാർഥികൾക്കായി തയ്യാറാക്കിയ ചോദ്യപ്പേപ്പറിലാണ് ഈ വിചിത്ര സംഭവം

ഗുജറാത്ത് പ്രദേശ് കോൺഗ്രസ് സേവാദൾ ഈ ചോദ്യപ്പേപ്പർ ട്വിറ്ററിൽ പോസ്റ്റ് ചെയ്‌തതോടെ സംഭവം വൈറലായി. ക്രിക്കറ്റ് ഇതിഹാസം സച്ചിൻ ടെൻഡുൽക്കറിനെ അറിയാത്തവർ ആരാണ് ഉള്ളത്.  സച്ചിൻ ടെൻഡുൽക്കർ ആരാണെന്ന് ചോദിച്ചിട്ട് ഓപ്‌ഷൻ നൽകിയതിൽ ക്രിക്കറ്റ് ഇല്ലാതെ പെട്ടിരിക്കുകയാണ് ​ഗുജറാത്ത് വിദ്യാഭ്യാസ വകുപ്പ്.

സച്ചിൻ ടെൻഡുൽക്കറിനെ സംബന്ധിച്ചുള്ള ചോദ്യത്തിന് ഇത്തരത്തിൽ വിചിത്ര ഓപ്‌ഷൻ തയ്യാറാക്കിയ അധികൃതരെ പരിഹസിച്ച് നിരവധി ആളുകളാണ് രം​ഗത്തെത്തിയത്.

അതേസമയം ബിജെപി ഭരിക്കുന്ന ​ഗുജറാത്തിൽ ഇങ്ങനെയൊക്കെ സംഭവിച്ചതിൽ അത്ഭുതപ്പെടാൻ ഒന്നുമില്ലെന്ന് ഗുജറാത്ത് പ്രദേശ് കോൺഗ്രസ് സേവാദൾ പ്രതികരിച്ചു. ഗുജറാത്ത് ബിജെപി ഘടകത്തേയും ക്രിക്കറ്റ് താരം സച്ചിൻ‌ ടെൻഡുൽക്കറെയും പോസ്റ്റിൽ ടാ​ഗ് ചെയ്‌തിട്ടുണ്ട്.

ഈ വാര്‍ത്ത കൂടി വായിക്കൂ 

'ഭക്ഷണം ബാക്കി വന്നത് കളയണ്ട, രാത്രിയിലും അത് തന്നെ കഴിച്ചോട്ടെ എന്ന് കോഹ്‌ലി ചോദിച്ചു'; ഓർമ്മകൾ പങ്കുവെച്ച് ഷെഫ് പിള്ള

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ