ന്യൂഡല്‍ഹി: ത്രിരാഷ്ട്ര സൗഹൃദ ഫുട്‌ബോള്‍ ടൂര്‍ണമെന്റില്‍ ഇന്ത്യയ്ക്ക് ജയം. മ്യാന്‍മാറിനെ ഏകപക്ഷീയമായ ഒരു ഗോളിന് ഇന്ത്യ തകര്‍ത്തു. അനിരുദ്ധ് ഥാപ്പയാണ് ഇന്ത്യയ്ക്ക് വേണ്ടി ഗോള്‍ നേടിയത്. ആദ്യ പകുതിയുടെ അമിത സമയത്താണ് ഗോള്‍ പിറന്നത്.
മണിപ്പൂരിലെ ഇംഫാല്‍ സ്റ്റേഡിയത്തിലാണ് മത്സരം നടന്നത്. കളിയിലുടനീളം ഇന്ത്യയാണ് മികച്ചനിലയില്‍ കളിച്ചത്. ഥാപ്പയുടെ ഗോള്‍ ഒഴിച്ചാല്‍ നിരവധി അവസരങ്ങള്‍ ലഭിച്ചെങ്കിലും അതൊന്നും ലക്ഷ്യം കണ്ടില്ല. മെഹ്താബ് സിങ്, മഹേഷ് സിങ്, റിത്വിക് ദാസ് എന്നിവര്‍ ഇന്ത്യയ്ക്കായി അരങ്ങേറ്റം കുറിച്ചു.
ഇന്ത്യയുടെ പ്രമുഖ താരമായ സുനില്‍ ഛേത്രിക്ക് നിരവധി അവസരങ്ങളാണ് ലഭിച്ചത്. 74-ാം മിനിറ്റില്‍ സുനില്‍ ഛേത്രി വല കുലുക്കിയെങ്കിലും റഫറി ഗോള്‍ അനുവദിച്ചില്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ