ധര്‍മ്മശാല: ഐപിഎല്ലില്‍ പഞ്ചാബിനെതിരായ മത്സരത്തില്‍ ഡല്‍ഹിക്ക് കൂറ്റന്‍ സ്‌കോര്‍. രണ്ട് വിക്കറ്റ് നഷ്ടത്തില്‍ നിശ്ചിത ഓവറില്‍ ഡല്‍ഹി 213 റണ്‍സ് നേടി.

ഡല്‍ഹിക്കായി ക്യാപ്റ്റന്‍ ഡേവിഡ് വാര്‍ണര്‍ 41 റണ്‍സ് നേടി. 31 ബോളുകള്‍ നേരിട്ട അദ്ദേഹം അഞ്ച് ഫോറും രണ്ട് സിക്‌സറും പറത്തി. പൃഥ്വിഷായും തകര്‍ത്തടിച്ചതോടെ പഞ്ചാബ് ഈ സീസണിലെ മറ്റ് മത്സരങ്ങളില്‍ നിന്നും മികച്ച രീതിയില്‍ ബാറ്റ് ചെയ്തു. പൃഥ്വി 38 പന്തില്‍ നിന്ന് 54 റണ്‍സ് എടുത്തു. ഏഴ് ഫോറും ഒരു സിക്‌സും അടങ്ങുന്നതായിരുന്നു ഷായുടെ ഇന്നിങ്‌സ്.

റില റൂസോയാണ് ഡല്‍ഹിയുടെ ടോപ്‌സ്‌കോറര്‍. 37 പന്തില്‍ നിന്ന് താരം 82 റണ്‍സ് നേടി. ആറ് ഫോറും ആറ് സിക്‌സറകളും പറത്തിയാണ് താരത്തിന്റെ തകര്‍പ്പന്‍ പ്രകടനം. ഫിലിപ്പ് സോര്‍ട്ട് 14 പന്തില്‍ നിന്ന് 26 റണ്‍സ് നേടി.

സാം കറനാണ് രണ്ടുവിക്കറ്റ് നേടിയത്. നാലോവറില്‍ 36 റണ്‍സ് വിട്ടുകൊടുത്ത അദ്ദേഹമാണ് ബൗളിങില്‍ മികച്ച പ്രകടനം പുറത്തെടുത്തത്, രാഹുല്‍ ചഹാറും മികച്ച പ്രകടനം നടത്തി.

ഈ വാര്‍ത്ത കൂടി വായിക്കൂ

സൗരവ് ഗാംഗുലിക്ക് ഇസഡ് കാറ്റഗറി സുരക്ഷ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ