തിരുവനന്തപുരം: കാര്യവട്ടം ഗ്രീന്‍ ഫീല്‍ഡ് സ്റ്റേഡിയത്തിലെ ഇന്ത്യ- നെതര്‍ലന്‍ഡ്‌സ് ലോകകപ്പ് സന്നാഹ മത്സരം മഴയെ തുടര്‍ന്നു വൈകുന്നു. ടോസ് പോലും ചെയ്യാന്‍ കഴിഞ്ഞിട്ടില്ല. 

കഴിഞ്ഞ ദിവസം ഇംഗ്ലണ്ടിനെതിരായ ഇന്ത്യയുടെ സന്നാഹവും മഴയെ തുടര്‍ന്നു ഉപേക്ഷിച്ചിരുന്നു. ഗുവാഹത്തിയിലായിരുന്നു ഈ മത്സരം. 

തിരുവനന്തപുരത്ത് നടക്കേണ്ടിയിരുന്ന അഫ്ഗാനിസ്ഥാന്‍- ദക്ഷിണാഫ്രിക്ക പോരാട്ടവും ഒരു പന്ത് പോലും എറിയാതെ ഉപേക്ഷിച്ചു. 

ഓസ്‌ട്രേലിയ- നെതര്‍ലന്‍ഡ്‌സ് മത്സരം 23 ഓവര്‍ ആക്കി ചുരുക്കി ഗ്രീന്‍ഫീല്‍ഡില്‍ നടത്തി. ഓസ്‌ട്രേലിയ 23 ബാറ്റ് ചെയ്‌തെങ്കിലും നെതര്‍ന്‍ഡ്‌സിനു മത്സരം മുഴുമിപ്പിക്കാന്‍ സാധിച്ചില്ല. മഴ വീണ്ടും എത്തിയതോടെ അവരുടെ പോരാട്ടം 14.2 ഓവറില്‍ തീര്‍ത്തു. 

ന്യൂസിലന്‍ഡ്- ദക്ഷിണാഫ്രിക്ക പോരാട്ടമാണ് ഗ്രീന്‍ഫീല്‍ഡില്‍ ഫലം കണ്ടത്. ദക്ഷിണാഫ്രിക്കയുടെ വിജയ ലക്ഷ്യം 37 ഓവര്‍ ആക്കി ചുരുക്കിയിരുന്നു. ഡെക്ക് വര്‍ത്ത് ലൂയീസ് നിയമം അനുസരിച്ചാണ് ന്യൂസിലന്‍ഡിനെ വിജയികളായി പ്രഖ്യാപിച്ചത്.

ഈ വാര്‍ത്ത കൂടി വായിക്കൂ 

സ്റ്റീപ്പിള്‍ചെയ്‌സില്‍ ഇന്ത്യക്ക് ഇരട്ട മെഡല്‍; പരുള്‍ ചൗധരിക്ക് വെള്ളി, പ്രീതിക്ക് വെങ്കലം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ