വീണ്ടും 15 പന്തില്‍ ഫിഫ്റ്റി അടിച്ച് മക്ക്ഗുര്‍ഗ്; പവര്‍ പ്ലേയില്‍ ഡല്‍ഹിക്ക് നേട്ടം
ന്യൂഡല്‍ഹി: ഐപിഎല്ലിലെ റണ്‍ വിസ്‌ഫോടനം തുടര്‍ന്നു ടീമുകളിലെ ബാറ്റര്‍മാര്‍. ഇന്നത്തെ ആദ്യ പോരില്‍ മുംബൈക്കെതിരെ സ്വന്തം റെക്കോര്‍ഡ് തിരുത്തി ഡല്‍ഹി ക്യാപിറ്റല്‍സ്.
പവര്‍പ്ലേയില്‍ തങ്ങളുടെ ഏറ്റവും വലിയ സ്‌കോറെന്ന റെക്കോര്‍ഡാണ് ഡല്‍ഹി തിരുത്തിയത്. മുംബൈക്കെതിരെ ആദ്യ ആറോവറില്‍ ഡല്‍ഹി അടിച്ചു കൂട്ടിയത് 92 റണ്‍സ്. മൊത്തം പട്ടികയില്‍ അഞ്ചാം സ്ഥാനത്തും ഈ സ്‌കോര്‍ ഇടം പിടിച്ചു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
15 പന്തില്‍ അര്‍ധ സെഞ്ച്വറി നേടിയ ജാക്ക് ഫ്രേസര്‍ മക്ക്ഗുര്‍ഗിന്റെ കിടിലന്‍ ബാറ്റിങാണ് ഡല്‍ഹിയുടെ കുതിപ്പിന്റെ ഊര്‍ജം. താരം 27 പന്തില്‍ 11 ഫോറും 6 സിക്‌സും സഹിതം 84 റണ്‍സ് വാരി.
സീസണില്‍ ഇത് രണ്ടാം തവണയാണ് താരം 15 പന്തില്‍ അര്‍ധ സെഞ്ച്വറി നേടുന്നത്. ഒരാഴ്ച മുന്‍പാണ് താരം ആദ്യം 15 പന്തില്‍ ഫിഫ്റ്റി അടിച്ചത്. സണ്‍ റൈസേഴ്‌സ് ഹൈദരാബാദിനെതിരെയായിരുന്നു ഈ പ്രകടനം. പിന്നാലെയാണ് വീണ്ടും അതിവേഗ 50.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ