3.60 കോടിയ്ക്ക് ഗുജറാത്ത് സ്വന്തമാക്കിയ താരം; റോബിന്‍ മിന്‍സിനു ബൈക്ക് അപകടത്തില്‍ പരിക്ക്
അഹമ്മദാബാദ്: ഝാര്‍ഖണ്ഡിലെ ഗോത്ര വിഭാഗത്തില്‍ നിന്നു ഐപിഎല്‍ ക്രിക്കറ്റിലേക്ക് എത്തിയ യുവ താരം റോബിന്‍ മിന്‍സിനു ബൈക്ക് അപകടത്തില്‍ പരിക്ക്. പരിശീലന ശേഷം തിരിച്ചു ബൈക്കില്‍ വരുമ്പോഴാണ് അപകടം.
ഇക്കഴിഞ്ഞ ഐപിഎല്‍ താര ലേലത്തിലാണ് താരം ശ്രദ്ധേയനായത്. മൂന്ന് കോടി 60 ലക്ഷത്തിനു ഗുജറാത്ത് ടൈറ്റന്‍സ് താരത്തെ സ്വന്തമാക്കിയതാണ് ശ്രദ്ധേയമായത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
താരത്തിന്റെ കാവസാക്കി സൂപ്പര്‍ ബൈക്ക് മറ്റൊരു ബൈക്കിലിടിച്ചു നിയന്ത്രണം വിട്ടു മറിഞ്ഞാണ് അപകടം. താരത്തിനേറ്റ പരിക്ക് ഗുരുതരമല്ലെന്നും നിലവില്‍ ആശുപത്രിയില്‍ നിരീക്ഷണത്തിലാണെന്നും റോബിന്‍ മിന്‍സിന്റെ പിതാവ് വ്യക്തമാക്കി.
ഐപിഎല്‍ പടിവാതില്‍ക്കല്‍ നില്‍ക്കെയാണ് താരത്തിന്റെ മുട്ടിനടക്കം പരിക്കേറ്റത്. എങ്കിലും പരിക്കു സാരമുള്ളതല്ലാത്തതിനാല്‍ ഉടന്‍ കളത്തിലേക്ക് മടങ്ങിയെത്തുമെന്നാണ് പ്രതീക്ഷിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ