ജൂണ്‍ 14ന് വേണ്ടിയുള്ള കാത്തിരിപ്പിന് ഇടയില്‍ റഷ്യന്‍ ലോക കപ്പിന്റെ ആവേശം ഉച്ഛിയിലെത്തിക്കാന്‍ ഫിഫയുടെ ഔദ്യോഗിക ഗാനം ആരാധകര്‍ക്ക് മുന്നിലേക്കെത്തുന്നു. വില്‍ സ്മിത്തും ഇറ ഇസ്ത്രഫിയും ഫുട്‌ബോള്‍ താളത്തിനൊത്ത് ലിവ് ഇറ്റ് അപ്പിലൂടെ ഓരോ നിമിഷവും ആസ്വദിക്കാന്‍ ആഹ്വാനം ചെയ്ത് ആരാധകര്‍ക്ക് മുന്നിലെക്കെത്തുകയാണ്.
ബ്രസീലിയന്‍ ഇതിഹാസം റൊണാള്‍ഡിന്യോയും ഫിഫയുടെ ഔദ്യോഗിക വീഡിയോ ഗാനത്തില്‍ സര്‍പ്രൈസായി എത്തുന്നുണ്ട്. തന്റെ ചില മാന്ത്രിക ടെക്‌നിക്‌സുകള്‍ കോട്ടം വരാതെ ഇപ്പോഴും തന്റെ പക്കലുണ്ടെന്ന് കൂടി തെളിയിക്കുകയാണ് റൊണാള്‍ഡിന്യോ ചില ഷോട്ടുകളുതിര്‍ത്ത്.
ഓരോ ടീമിന്റേയും വീറും വാശിയും കാണിക്കുന്ന വീഡിയോ ഒരുന ദിവസം കൊണ്ടു തന്നെ നാല് ലക്ഷത്തിനോടടുത്ത് ആളുകള്‍ യൂടൂബിലൂടെ കണ്ടു കഴിഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ