കസാന് : ലോകകപ്പില് പോളണ്ടിനെതിരായ മല്സരത്തില് കൊളംബിയന് ടീമിന് ആവേശം വിതറി കാണികളായി മുന് സൂപ്പര് ഹീറോമാരായ വാള്ഡരമയും ഹിഗ്വിറ്റയും. ഇരുവരുടെയും സാന്നിധ്യം ടീമിനു മാത്രമല്ല കാണികള്ക്കും ആവേശമായി. ഇരുവരുടെയും മുഖങ്ങള് സ്റ്റേഡിയത്തിലെ ബിഗ് സ്ക്രീനില് തെളിഞ്ഞപ്പോഴെല്ലാം ആരാധകര് ആര്ത്തിരമ്പി. സൂപ്പര് താരങ്ങളുടെ സാന്നിധ്യത്തില് പോളണ്ടിനെ എതിരില്ലാത്ത മൂന്നു ഗോളിന് തകര്ത്ത് ലോകകപ്പിലെ പ്രീ ക്വാര്ട്ടര് പ്രതീക്ഷകള് സജീവമാക്കിയാണ് ടീം കളം വിട്ടത്.
കൊളംബിയന് ടീമിന്റെ മുന്നേറ്റങ്ങള് നടക്കുമ്പോഴെല്ലാം ആവേശഭരിതരായാണ് ഇരുവരും കാണപ്പെട്ടത്. കൂട്ടത്തില് ഏറെ ആവേശം കാണിച്ചത് ഹിഗ്വിറ്റയായിരുന്നു. കൊളംബിയ ഗോള് നേടിയപ്പോഴൊക്കെയും ഇരുവരുടെയും ആവേശം അണപൊട്ടി.
മല്സരത്തിന് ശേഷം ടീം മടങ്ങുമ്പോഴും ഇരുവരും ഗാലറിക്ക് ആവേശമായി ചിരിതൂകി നിന്നു. തുടര്ന്ന് വാള്ഡരമ മടങ്ങിയെങ്കിലും, ആരാധകര്ക്ക് ഓട്ടോഗ്രാഫ് കൂടി നല്കിയ ശേഷമാണ് ഗോള്പോസ്റ്റിന് കീഴിലെ അതിസാഹസികനായ ഹിഗ്വിറ്റ മൈതാനം വിട്ടത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ