ദിലീപിന്റെ ജാമ്യം: പുതിയ അഭിഭാഷകരുമായി ജയിലില്‍ ഒന്നര മണിക്കൂര്‍ കൂടിക്കാഴ്ച
കൊച്ചി: നടിയെ ആക്രമിക്കപ്പെട്ട കേസില്‍ ആലുവ സബ്ജയിലില്‍ കഴിയുന്ന നടന്‍ ദിലീപ് പുതിയ ജാമ്യാപേക്ഷ സമര്‍പ്പിക്കുന്നതിന്റെ ഭാഗമായി രാമന്‍പിള്ള അസോസിയേറ്റ്‌സിലെ അഭിഭാഷകരുമായി ഒന്നരമണിക്കൂര്‍ ചര്‍ച്ച നടത്തി. തുടര്‍ന്ന് വക്കാലത്ത് ഒപ്പിട്ടു നല്‍കി. തിങ്കളാഴ്ച ഇവര്‍ ഹൈക്കോടതിയില്‍ ജാമ്യാപേക്ഷ സമര്‍പ്പിച്ചേക്കും.
ഉച്ചയോടെയാണ് രാമന്‍പിള്ളുടെ ജൂനിയര്‍മാരായ സുജീഷ് മേനോന്‍, ഫിലിപ്പ് വര്‍ഗീസ് എന്നിവര്‍ ആലുവ സബ്ജയിലിലെത്തിയത്. ദിലിപിന്റെ സഹോദരനും ജയിലിലെത്തിയെങ്കിലും ജയിലനകേത്ത് കയറിയില്ല.
മുതിര്‍ന്ന അഭിഭാഷകന്‍ കെ രാംകുമാറിനെ മാറ്റിയാണ് അഡ്വ. ബി രാമന്‍പിള്ളയെ കേസേല്‍പ്പിച്ചിരിക്കുന്നത്. കേസില്‍ പള്‍സര്‍ സുനിയെ അറിയില്ലെന്ന മൊഴിയുള്‍പ്പടെ ദിലീപിന് തിരിച്ചടിയായെന്ന സാഹചര്യത്തിലാണിത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ