ക്ഷേത്രങ്ങളില്‍ പശുവിനെ വെട്ടിയിടുന്നത് ഉള്‍പ്പെടെയുള്ള പരിപാടികള്‍ ഹിന്ദു തീവ്രവാദികള്‍ ചെയ്യാറുണ്ടെന്ന് രാഹുല്‍ ഈശ്വര്‍. സ്വകാര്യ ചാനലിലെ ചര്‍ച്ചയില്‍ പങ്കെടുത്തു കൊണ്ടായിരുന്നു രാഹുലിന്റെ വിവാദ പരാമര്‍ശം.
ക്രിസ്ത്യന്‍ സഹോദരന്മാര്‍ക്ക് ഞായറാഴ്ച ഒത്തുകൂടാനുള്ള അവസരമുണ്ട്. മുസ്ലീം സഹോദരങ്ങള്‍ക്ക് ഞായറാഴ്ചയും. എന്നാല്‍ ഹിന്ദു സമൂഹത്തിന് അതില്ല. ഈ സ്‌പേയിസ് ലഭിക്കുന്നതിനായി പലപ്പോഴും ഞങ്ങളുടെ തീവ്ര സ്വരക്കാരും, ഹിന്ദുത്വ തീവ്രവാദികളും പശുവിനെ വെട്ടി അമ്പലത്തില്‍ കൊണ്ടുപോയിട്ട് മുസ്ലീംങ്ങളുടെ തലയില്‍ കെട്ടിവയ്ക്കുകയും അതുവഴി ഹിന്ദുക്കളില്‍ സമ്മര്‍ദ്ദം ഉണ്ടാക്കി ഹിന്ദു ഐക്യമുണ്ടാക്കാനുമാണ് നോക്കുന്നതെന്ന് രാഹുല്‍ പറഞ്ഞു.
അതിനിടെ പിഡിപി നേതാവ് അബ്ദുല്‍ നാസര്‍ മഅദനിയെ സന്ദര്‍ശിച്ച രാഹുല്‍ ഈശ്വറിന് നേര്‍ക്ക് വധഭീഷണിയും ഉയര്‍ന്നിരുന്നു. ഹൈന്ദവ സംഘടനകളുടെ പരിപാടികളില്‍ പങ്കെടുത്താല്‍ തലയടിച്ച് പൊളിക്കുമെന്നാണ് ഭീഷണി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ