കൊല്ലം: കൊല്ലം തീരത്ത് മത്സ്യബന്ധന വള്ളത്തില്‍ കപ്പലിടിച്ചു. കൊല്ലം തീരത്ത് നിന്നും 39 നോട്ടിക്കല്‍ മൈല്‍ അകലെ അന്താരാഷ്ട്ര കപ്പല്‍ ചാലിന് സമീപത്തുവെച്ചാണ്‌ അപകടമുണ്ടായത്. വള്ളത്തിലുണ്ടായിരുന്ന ആറ് മത്സ്യ തൊഴിലാളികളെ രക്ഷപ്പെടുത്തി. 

ഉച്ചയ്ക്ക് 12.30ടെയായിരുന്നു അപകടം. ആരോഗ്യ അണ്ണെ എന്ന തമിഴ്‌നാട് സ്വദശി സഹായത്തിന്റെ വള്ളമാണ് അപകടത്തില്‍പ്പെട്ടത്.ചൂണ്ടയിടാനെത്തിയ മത്സ്യത്തൊഴിലാളികളായിരുന്നു ഇവര്‍. കതാലിയ എന്ന് പേരുള്ള ഹോങ് കോങ് കപ്പലാണ് വള്ളത്തിലിടിച്ചത്. 

കപ്പലിടിച്ച് വള്ളം പൂര്‍ണമായും തകര്‍ന്നു. വള്ളത്തെ ഇടിച്ച് കപ്പല്‍ നിര്‍ത്താതെ പോവുകയായിരുന്നു. രക്ഷാപ്രവര്‍ത്തനത്തിന് നേവിയുടെ സഹായം തേടിയതായി മന്ത്രി മേഴ്‌സിക്കുട്ടിയമ്മ പറഞ്ഞു. വള്ളത്തില്‍ ഇടിച്ച കപ്പലിനായി നാവിക സേന തിരച്ചില്‍ തുടരുകയാണ്. ഡോണിയര്‍ വിമാനവും കപ്പലും  തിരച്ചിലിനായി കൊച്ചിയില്‍ നിന്നും പുറപ്പെട്ടിട്ടുണ്ട്.