കണ്ണൂര്‍: തലശ്ശരി പാനൂര്‍ പെരിങ്ങത്തൂരില്‍ ടൂറിസ്റ്റ് ബസ് മറിഞ്ഞ് മൂന്ന് പേര്‍ മരിച്ചു. ബസ് ക്ലീനറായ ജിത്തുവും യാത്രക്കാരിയായ ഒരു സ്ത്രിയും ഒരു പുരുഷനുമാണ് മരിച്ചത്. ബംഗളൂരു നാദാപുരം സര്‍വീസ് നടത്തുന്ന ബസ് പുഴയിലേക്ക് മറിഞ്ഞാണ് അപകടം ഉണ്ടായത്‌

ബംഗലുരൂവില്‍ നിന്ന നാദാപുരത്ത് എത്തിയ ബസ് പെരിങ്ങത്തൂരിലേക്ക് പോകും വഴിയാണ് ബസ് അപകടത്തില്‍പ്പെട്ടത്. ബസിന്റെ നിയന്ത്രണം വിട്ടതാണോ, ഡ്രൈവര്‍ ഉറങ്ങിയതാ ആണ് അപകടത്തിന് ഇടയാക്കിയതെന്നാണ് നാട്ടുകാര്‍ പറയുന്നത്. അപകടത്തില്‍ പരുക്കേറ്റ ഡ്രൈവറെ തൊട്ടടുത്ത ആശുപത്രിയില്‍ പ്രവേശിപ്പിച്ചിട്ടുണ്ട്. 

നാട്ടുകാരും ഫയര്‍ഫോഴ്‌സും ഒന്നരമണിക്കൂര്‍ നീണ്ട തിരിച്ചലിനൊടുവിലാണ് ക്ലീനറുടെയും യാത്രക്കാരിയുടെയും മൃതദേഹം പുറത്തെടുത്തത്. രാവിലെ ആറുമണിയോടെയായിരുന്നു അപകടം