കണ്ണൂര്‍: പ്രായപൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച മദ്രസാ അധ്യാപകന്‍ അറസ്റ്റില്‍. വയനാട് വെള്ളമുണ്ട സ്വദേശി മുഹമ്മദ് റാഫിയാണ് കസ്റ്റഡിയിലായത്. പ്രായപൂര്‍ത്തിയാകാത്ത നാലു പെണ്‍കുട്ടികളെ ഇയാള്‍ പീഡിപ്പിച്ചെന്നാണ് കേസ്. എട്ടും, പത്തും, പതിനൊന്നും വയസുളള കുട്ടികളാണ് പീഡനത്തിന് ഇരയായത്. പോക്‌സോ നിയമപ്രകാരമാണ് ഇയാള്‍ക്കെതിരെ കേസെടുത്തത്. ഇരിട്ടി ചാക്കാട് നസ്‌റത്തുള്‍ ഇസ്ലാം മദ്രസയിലെ അധ്യാപകനാണ് ഇയാള്‍. പൊലീസിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ഇയാള്‍ പൊലീസ് പിടിയിലാകുന്നത്്.
കുട്ടികളുടെ രക്ഷിതാക്കളുടെ പരാതിയിലാണ് മുഴക്കുന്നം പൊലീസ് കേസെടുത്തത്. പെണ്‍കുട്ടികളില്‍ നിന്നും മൊഴിയെടുത്തശേഷമായിരുന്നു പൊലീസ് ഇയാളുടെ അറസ്റ്റ് രേഖപ്പെടുത്തിയത്. ഇയാളെ നാളെ കോടതിയില്‍ ഹാജരാക്കും. ഇതിനുമുമ്പും ഇത്തരം സമാനമായ പീഡനത്തിന് കുട്ടികള്‍ ഇരയായിട്ടുണ്ടോ എന്നു പരിശോധിക്കുമെന്നും പൊലീസ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ