മലപ്പുറം: ജാതി സംവരണമല്ല സാമ്പത്തിക സംവരണമാണ് വേണ്ടതെന്നാണ് പാര്‍ട്ടി നിലപാടെന്ന് മന്ത്രി കടകംപള്ളി സുരേന്ദ്രന്‍. മുന്നോക്ക പിന്നോക്ക വ്യത്യാസമില്ലാതെ സാമ്പത്തിക സംവരണം നടപ്പാക്കണമെന്നും ദേവസ്വം മന്ത്രി വ്യക്തമാക്കി. ബ്രാഹമ്ണ വിഭാഗത്തിലും പുലയവിഭാഗത്തിലും മറ്റെല്ലാം ജാതിയിലും സമ്പന്നരുണ്ട്. പാവപ്പെട്ടവരുണ്ടെന്നും കടകം  പള്ളി പറഞ്ഞു.

ഭൂപരിഷ്‌കരണത്തിന്റെ ഇരകളായിരുന്നു ബ്രാഹ്മണര്‍. ഏതാനും പേരുടെ കൈയിലുണ്ടായിരുന്ന ലക്ഷക്കണക്കിന് ഏക്കര്‍ ഭൂമിയാണ് ആയിരങ്ങളിലേക്ക് കൈമാറ്റം ചെയ്തത്. ഭൂപരിഷ്‌കരണം നടപ്പിലായിട്ടും ഇന്നും രണ്ട് ലക്ഷം പേര്‍ ഭവനരഹിതാരാണെന്നാണ് സര്‍ക്കാരിന്റെ കണക്കുകള്‍. ഇക്കൂട്ടത്തില്‍ ബ്രാഹ്മണരുമുണ്ടെന്ന് കടകം പള്ളി പറഞ്ഞു.