കൊച്ചി: കണ്ണൂരില്‍ ബലിയാടുകളായി ക്കൊണ്ടിരിക്കുന്ന മക്കളെ പ്രസവിച്ചുപോയ അമ്മമാര്‍ക്ക് മാതൃദിനം ആശംസിച്ച് സിനിമാ താരം ജോയ് മാത്യുവിന്റെ ഫെയസ്ബുക്ക് പോസ്റ്റ്. അമ്മമാര്‍ അറിയാന്‍ എന്നാരംഭിക്കുന്ന പോസ്റ്റില്‍ കൊല്ലപ്പെടുന്നവര്‍ ആരുമാകട്ടെ അവര്‍ ഏത് രാഷ്ട്രീയക്കാരുമാകട്ടെ എല്ലാവരും അമ്മ പ്രസവിച്ച മക്കളാണു കൊലപാതക രാഷ്ട്രീയ നേതാക്കള്‍ ചാനലില്‍ കുരക്കട്ടെ അതു കഴിഞ്ഞു അവര്‍ ചായ കുടിച്ച് പിരിയും എന്നാര്‍ക്കാണറിയാത്തതെന്നും ജോയ് മാത്യു ചോദിക്കുന്നു.
നടന്‍ ശ്രീനിവാസന്‍ പറഞ്ഞപോലെ നേതാക്കള്‍ കൊല്ലപ്പെടാത്തിടത്തോളം കാലം സാധാരണ മനുഷ്യര്‍ ബലിയാടുകളായിക്കൊണ്ടേയിരിക്കും. ഒരു പട്ടാളത്തിനു മാറ്റിയെടുക്കാവുന്നതല്ല കണ്ണൂരിന്റെ മനസ്സ്മറിച്ച് കൊലപാതകരാഷ്ട്രീയ പാര്‍ട്ടിപ്രവര്‍ത്തകരായ മക്കളെ അവരുടെ അമ്മമാര്‍ വീട്ടില്‍ നിന്നും അടിച്ചു പുറത്താക്കുംബോഴേ കണ്ണൂരിലെ അമ്മമാരുടെ കണ്ണീരുണങ്ങൂ എന്നാണ് ജോയ് മാത്യു പറയുന്നത്
നിലവിലുള്ള ജീര്‍ണ്ണതയുടെ രാഷ്ട്രീയക്കാരെ അവജ്ഞയോടെ നോക്കിക്കാണുന്ന വിവരവും വിദ്യാഭ്യാസവും പുതിയ സ്വപ്നങ്ങളുമുള്ള ഒരു തലമുറ വളര്‍ന്നു വരുന്നുണ്ട് എന്നിടത്താണു നമുക്കെന്തെങ്കിലും പ്രതീക്ഷിക്കാനുള്ളത് കണ്ണൂരില്‍ ബലിയാടുകളായി ക്കൊണ്ടിരിക്കുന്ന മക്കളെ പ്രസവിച്ചുപോയ അമ്മമാര്‍ക്ക് വേണ്ടിയാകട്ടെ ഈ മദേര്‍സ് ഡേ എന്നാണ് ജോയ്മാത്യുവിന്റെ ഫെയസ്ബുക്ക് പോസ്റ്റ്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ