കൊച്ചി : കൈയേറ്റത്തില്‍ തോമസ് ചാണ്ടിയെ ന്യായീകരിച്ച് സര്‍ക്കാര്‍ അഭിഭാഷകന്‍. തോമസ് ചാണ്ടിയുടെ കയ്യേറ്റം മന്ത്രിയാകുന്നതിന് മുമ്പാണ്. മന്ത്രിയാകുന്നതിന് മുമ്പുള്ള കാര്യത്തിലാണ് ഇപ്പോള്‍ ആരോപണം ഉയര്‍ന്നിട്ടുള്ളതെന്നും കേസില്‍ സര്‍ക്കാരിന് വേണ്ടി ഹാജരായ സ്റ്റേറ്റ് അറ്റോര്‍ണി കെ വി സോഹന്‍, മന്ത്രിയെ ന്യായീകരിച്ച് പറഞ്ഞു. മന്ത്രിയെ ന്യായീകരിച്ച സ്റ്റേറ്റ് അറ്റോര്‍ണിയെ കോടതി വിമര്‍ശിച്ചു.
തോമസ് ചാണ്ടിയ്ക്ക് വേണ്ടി ഹാജരായ അഭിഭാഷകന്‍ വിവേക് തന്‍ഖയെയും കോടതി വിമര്‍ശിച്ചു. നിങ്ങള്‍ പൊതുജനങ്ങളാല്‍ വിചാരണ ചെയ്യപ്പെടുകയാണെന്ന് മറക്കരുതെന്ന് തന്‍ഖയോട് കോടതി പറഞ്ഞു. നിങ്ങളെ കോടതി സംരക്ഷിക്കുമെന്ന് വിചാരം വേണ്ടെന്നും തോമസ് ചാണ്ടിയുടെ അഭിഭാഷകനോട് കോടതി പറഞ്ഞു.
റവന്യൂമന്ത്രിയുടെയും സിപിഐയുടെയും നിര്‍ദേശം തള്ളി മുഖ്യമന്ത്രി പിണറായി വിജയനാണ് കേസില്‍ സര്‍ക്കാരിന് വേണ്ടി ഹാജരാകാന്‍ സ്റ്റേറ്റ് അറ്റോര്‍ണി കെവി സോഹനെ നിയമിക്കാന്‍ തീരുമാനിച്ചത്. കണ്ണൂര്‍ ജില്ലക്കാരനാണ് സോഹന്‍. റവന്യൂ കേസുകളില്‍ മുമ്പ് സര്‍ക്കാരിന് വേണ്ടി ഹാജരായിട്ടുള്ള അഡീഷണല്‍ എജി രഞ്ജിത്ത് തമ്പാനെ നിയമിക്കാനാണ് റവന്യൂ വകുപ്പ് ആവശ്യപ്പെട്ടിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ