തിരുവനന്തപുരം:സോളാര്‍ കേസിനെ രാഷ്ട്രീയമായി നേരിടാന്‍ കെപിസിസി രാഷ്ട്രീയകാര്യ സമിതി യോഗത്തിന് മുന്നോടിയായി എ,ഐ ഗ്രൂപ്പുകള്‍ തമ്മില്‍ ധാരണ.കേസില്‍പ്പെട്ടവരെ ഒറ്റപ്പെടുത്തില്ല. കേസ് രാഷ്ട്രീയ പ്രേരിതമാണെന്ന നിലപാടെടുക്കാന്‍ ഗ്രൂപ്പുകള്‍ തമ്മില്‍ ധാരണയായി. രാഷ്ട്രീയകാര്യ സമിതി തീരുമാനം ഹൈക്കമാന്റിനെ കെപിസിസി പ്രസിഡന്റ് എംഎം ഹസ്സന്‍ അറിയിക്കും.
നിയമപരമായും രാഷ്ട്രീയപരമായും കേസിനെ നേരിടാന്‍ സമിതിയോഗത്തില്‍ തീരുമാനമെടുക്കും. കെപിസിസി പ്രസിഡന്റ് എംഎം ഹസ്സന്‍ ഓരോ നേതാക്കളോടും ഈ വിഷയത്തെക്കുറിച്ച് പ്രത്യേകം ചര്‍ച്ചകള്‍ നടത്തിയിരുന്നു.
സമിതിയില്‍ ധാരണയുണ്ടാക്കാന്‍ ഐ ഗ്രൂപ്പ് നേതാക്കള്‍ സമ്മതിക്കില്ലെന്ന വാര്‍ത്തകള്‍ പുറത്തുവന്നിരുന്നു. ഉമ്മന്‍ചാണ്ടിക്കെതിരായ ബലാത്സംഗക്കേസിനെ രാഷ്ട്രീയമായി ചെറുക്കാന്‍ തീരുമാനിച്ചെങ്കിലും മുഖ്യമന്ത്രിയുടെ ഓഫീസ് ദുരുപയോഗം ചെയ്തതടക്കമുള്ള ആരോപണങ്ങളില്‍ ശക്തമായ വിമര്‍ശനം എ ഗ്രൂപ്പ് ഉയര്‍ത്തിയേക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ