കണ്ണൂര്‍: ചില പൊലീസുകാര്‍ സേനയ്ക്ക് നാണക്കേട് ഉണ്ടാക്കുകയാണെന്ന് മുഖ്യമന്ത്രി പിണറായി വിജയന്‍ . ഇത്തരക്കാര്‍ക്ക് സേനയില്‍ ഇടമില്ലെന്നും അദ്ദേഹം മുന്നറിയിപ്പ് നല്‍കി.
പൊലീസ് പൗരന്മാരുടെ അവകാശത്തിന് മേല്‍ കുതിര കയറരുതെന്നും പിണറായി പറഞ്ഞു. വരാപ്പുഴ കസ്റ്റഡി മരണത്തിന്റെ പശ്ചാത്തലത്തില്‍ കണ്ണൂരിലായിരുന്നു മുഖ്യമന്ത്രിയുടെ പ്രതികരണം.
മനുഷ്യത്വരഹിതമായി പെരുമാറിയാല്‍ കുറ്റവാളികളോടുളള സമീപനമായിരിക്കും പൊലീസിനോടും സ്വീകരിക്കുക. നിയമപരമായ നടപടികള്‍ സ്വീകരിക്കുന്നതില്‍ തെറ്റില്ല. പൊലീസുകാരെ മര്യാദ പഠിപ്പിക്കാനാണ് പൊലീസ് സ്റ്റേഷനുകളില്‍ സിസിടിവി ക്യാമറകള്‍ സ്ഥാപിക്കുന്നതെന്നും പിണറായി വിജയന്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ