തിരുവനന്തപുരം: പ്രളയക്കെടുതിയുടെ പശ്ചാത്തലത്തില്‍ സെക്രട്ടേറിയറ്റ് ജീവനക്കാരുടെ അവധി തിരുവോണ ദിവസം മാത്രമായി ചുരുക്കാന്‍ മന്ത്രിസഭായോഗം തീരുമാനിച്ചു. ദുരിതാശ്വാസ പ്രവര്‍ത്തനങ്ങള്‍ തടസം കൂടാതെ ഏകോപിപ്പിക്കാനാണിത്.
പ്രളയക്കെടുതി ചര്‍ച്ച ചെയ്യാന്‍ പ്രത്യേക നിയമസഭാ സമ്മേളനം വിളിച്ചുചേര്‍ക്കാന്‍ മന്ത്രിസഭായോഗം തീരുമാനിച്ചു. ഈ മാസം 30ന് നിയമസഭാ സമ്മേളനം വിളിക്കാന്‍ ഗവര്‍ണറോടു ശുപാര്‍ശ ചെയ്യും.
ദുരിതാശ്വാസത്തിന് പ്രത്യേക പാക്കേജ് തയാറാക്കും. പാക്കേജിനു കര്‍മ പദ്ധതി തയാറാക്കാന്‍ വിവിധ വകുപ്പുകള്‍ക്കു നിര്‍ദേശം നല്‍കി. ദുരിതാശ്വാസത്തിനുള്ള വിഭവ സമാഹരണത്തിന് അധിക നികുതി ഏര്‍പ്പെടുത്തും. സംസ്ഥാന ചരക്കു സേവന നികുതിയിലാണ് പത്തു ശതമാനം സെസ് ഏര്‍പ്പെടുത്തുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ