മലപ്പുറം: എടയാറ്റൂരില്‍ നിന്ന് കാണാതായ മുഹമ്മദ് ഷഹീനെ (9) പുഴയില്‍ തള്ളിയിട്ടുകൊന്നതായി കണ്ടെത്തി. സംഭവവുമായി ബന്ധപ്പെട്ട് പിതൃസഹോദരനെ കസ്റ്റഡിയിലെടുത്തു.കുട്ടിയുടെ പിതാവില്‍ നിന്ന് പണം തട്ടാനാണ് തട്ടിക്കൊണ്ടുപോയതെന്നും ആനക്കയം പാലത്തില്‍ കൊണ്ടുപോയി കുട്ടിയെ താഴേക്കിടുകയായിരുന്നു എന്നുമാണ് പ്രതി പൊലീസിന് മൊഴി നല്‍കിയത്.  

ഷഹീനു വേണ്ടി ആനക്കയം പുഴയില്‍ തിരച്ചില്‍ തുടങ്ങി. ഈമാസം 13 നാണ് ഷഹീനെ കാണാതായത്. കാണാതായ സ്ഥലത്തുനിന്നും 16 കിലോമീറ്റര്‍ മാറി തറവാടുവീടിനടുത്തു വെച്ചാണ് കുട്ടിയുടെ യൂണിഫോമും ബാഗും കണ്ടെത്തിയത്. ഷഹീനെ കിട്ടുമെന്ന പ്രതീക്ഷയില്‍ മുമ്പോട്ടു പോകുമ്പോഴാണ് നടുക്കുന്ന വാര്‍ത്ത.