ന്യൂഡല്‍ഹി : പ്രളയക്കെടുതി നേരിടുന്ന കേരളത്തിന് സൗജന്യമായി മണ്ണെണ്ണ നല്‍കാനാവില്ലെന്ന് കേന്ദ്രസര്‍ക്കാര്‍ അറിയിച്ചു. കേരളം വീണ്ടും നല്‍കിയ കത്തിന്റെ അടിസ്ഥാനത്തില്‍ വിലയില്‍ ഇളവ് വരുത്തുമെന്നും കേന്ദ്രം അറിയിച്ചു. നേരത്തെ ലിറ്ററിന് 70 രൂപ നിരക്കില്‍ c നല്‍കുമെന്നായിരുന്നു അറിയിച്ചത്. ഇത് ലിറ്ററിന് 42 രൂപയായാണ് കുറച്ചത്. 

പുതിയ വിലയില്‍ മണ്ണെണ്ണ  കേന്ദ്രത്തില്‍ നിന്നും വാങ്ങാന്‍ സംസ്ഥാന സര്‍ക്കാര്‍ തീരുമാനിച്ചിട്ടുണ്ട്. 12,000 കിലോ ലിറ്റര്‍ മണ്ണെണ്ണയാണ് കേന്ദ്രസര്‍ക്കാര്‍ അനുവദിച്ചിട്ടുള്ളത്. പ്രളയക്കെടുതിയെ തുടര്‍ന്നുള്ള പ്രത്യേക സാഹചര്യം പരിഗണിച്ച് സംസ്ഥാനത്ത് സൗജന്യമായി മണ്ണെണ്ണ നല്‍കണമെന്നായിരുന്നു സംസ്ഥാന സര്‍ക്കാര്‍ ആവശ്യപ്പെട്ടത്. 

നേരത്തെ സൗജന്യ നിരക്കില്‍ അരി നല്‍കാനും കേന്ദ്രസര്‍ക്കാര്‍ വിസമ്മതിച്ചിരുന്നു.