ആലപ്പുഴ: 12 വര്‍ഷമായി കോഴിക്കോട് പുലര്‍ത്തിവന്ന ആധിപത്യം അവസാനിപ്പിച്ച് പാലക്കാട്. 59ാമത് സംസ്ഥാന സ്‌കൂള്‍ കലോത്സവത്തില്‍ കലാകിരീടം സ്വന്തമാക്കി പാലക്കാട്. തിങ്കളാഴ്ച പുലര്‍ച്ചെ വരെ നീണ്ട ഇഞ്ചോടിഞ്ച് പോരാട്ടത്തിന് ഒടുവില്‍ 930 പോയിന്റോടെയാണ് പാലക്കാടിന്റെ കിരീട നേട്ടം. 

2006ലാണ് ഇതിന് മുന്‍പ് പാലക്കാട് കലാകിരീടത്തില്‍ മുത്തമിട്ടിരുന്നത്. 2015ല്‍ കോഴിക്കോടുമായി കിരീടം പങ്കുവെച്ചിരുന്നു. അവസാന നിമിഷം വരെ ഉദ്വേഗം നിറച്ച കലാമാമാങ്കത്തില്‍ പൊരുതി നിന്ന കോഴിക്കോടിന് പക്ഷേ മൂന്ന് പോയിന്റ് വ്യത്യാസത്തില്‍ തോല്‍വി സമ്മതിക്കേണ്ടി വന്നു. 927 പോയിന്റോടെയാണ് കോഴിക്കോട് രണ്ടാം സ്ഥാനത്ത് നില്‍ക്കുന്നത്. 903 പോയിന്റോടെ തൃശൂരാണ് മൂന്നാം സ്ഥാനത്ത്. കാസര്‍കോഡാണ് അടുത്ത വര്‍ഷത്തെ കലോത്സവത്തിന് വേദിയാവുന്നത്. 

പോയിന്റ് നില
1 പാലക്കാട് 930
2 കോഴിക്കോട് 927
3 തൃശൂർ 903
4. കണ്ണൂർ 901
5. മലപ്പുറം 895
6 എറണാകുളം 886
7 . ആലപ്പുഴ 870
8 കൊല്ലം 862
9. തിരുവനന്തപുരം 858
10. കാസർകോട് 839
11. വയനാട് 834
12. കോട്ടയം 829
13. പത്തനംതിട്ട 770
14. ഇടുക്കി 706