മുപ്പതു വര്‍ഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് തിരിച്ചെത്തിയ പ്രവാസി വീടെത്തും മുന്‍പേ മരിച്ചു. വാഹനാപകടത്തിലാണ് രാജന്‍ പിള്ള എന്നയാള്‍ക്ക് ജീവന്‍ നഷ്ടമായത്. എയര്‍പോര്‍ട്ടില്‍ നിന്ന് വീട്ടിലേക്കുള്ള യാത്രാ മധ്യേ വാഹനാപകടമാണ് കൊല്ലം ശൂരനാട് സ്വദേശി രാജന്‍ പിള്ളയുടെ ജീവനെടുത്തത്.
രാജന്‍ പിള്ള സഞ്ചരിച്ചിരുന്ന കാര്‍ ബസുമായി കൂട്ടിയിടിക്കുകയായിരുന്നു. ഷാര്‍ജയില്‍ നിന്നും തിരുവനന്തപുരം വിമാനത്താവളത്തില്‍ ഇറങ്ങി വീട്ടിലേക്ക് തിരിക്കും വഴിയാണ് അപകടം നടന്നത്. അച്ഛനെ എയര്‍പോര്‍ട്ടില്‍ നിന്നും കൂട്ടികൊണ്ടുപോകാനെത്തിയ ഏക മകന്‍ അമലിനും ഒപ്പമുണ്ടായിരുന്ന ബന്ധുവിനും പരുക്കേറ്റു.
ഇതില്‍ അമലിന്റെ പരുക്ക് ഗുരുതരമാണെന്നാണ് വിവരം. മുപ്പത് വര്‍ഷമായി ഷാര്‍ജ പൊലീസില്‍ ജോലി ചെയ്തു വരികയായിരുന്നു രാജന്‍ പിള്ള.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ