തിരുവനന്തപുരം: 69മത് റിപബ്ലിക് ദിന ആഘോഷങ്ങൾക്ക് സംസ്ഥാനത്ത് തുടക്കമായി. തിരുവനന്തപുരം സെൻട്രൽ സ്റ്റേഡിയത്തിൽ ഗവർണർ പി.സദാശിവം പതാക ഉയർത്തിയ ശേഷം റിപ്പബ്ലിക് ദിനപരേഡ് നിരീക്ഷിച്ചുകൊണ്ട് അഭിവാദ്യം സ്വീകരിച്ചു.
വിവിധ ജില്ലകളിൽ മന്ത്രിമാർ റിപ്പബ്ലിക് ദിനാഘോഷത്തിൽ പങ്കെടുത്തു. മന്ത്രിമാർ പതാക ഉയർത്തി ഗാർഡ് ഒാഫ് ഒാണർ സ്വീകരിച്ചു. ആഘോഷത്തോടനുബന്ധിച്ച് ജില്ലകളിൽ വിവിധ പരിപാടികളും അരങ്ങേറുകയാണ്.
കൊച്ചിയിൽ മന്ത്രി എ.സി മൊയ്തീൻ പതാക ഉയർത്തി പരേഡിൽ അഭിവാദ്യം സ്വീകരിച്ചു. ആലപ്പുഴയിൽ മന്ത്രി മാത്യു ടി തോമസ് ഗാർഡ് ഒാഫ് ഒാണർ സ്വീകരിച്ചു. കോഴിക്കോട് വിക്രം മൈതാനിയിൽ വി.എസ് സുനിൽ കുമാർ പരേഡ് പരിശോധിച്ച് അഭിവാദ്യം സ്വീകരിച്ചു. കണ്ണൂരിൽ മന്ത്രി ശൈലജ അഭിവാദ്യം സ്വീകരിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ