തിരുവനന്തപുരം: മന്ത്രിമാര്‍ സെക്രട്ടറിയേറ്റിലെ സ്വന്തം ഓഫീസുകളില്‍ വെച്ച് വാര്‍ത്താ സമ്മേളനം നടത്തുന്നതിന് നിയന്ത്രണം വരുന്നു. സെക്രട്ടറിയേറ്റില്‍ ആധുനിക സൗകര്യമുള്ള മീഡിയാ റൂമില്‍ മാത്രമായിരിക്കും ഇനി വാര്‍ത്താ സമ്മേളനം നടത്തുന്നതിനുള്ള അനുമതി.
സെക്രട്ടറിമാരടക്കമുള്ള ഉദ്യോഗസ്ഥര്‍ക്ക് മാര്‍ഗതടസം നേരിടുന്നു എന്നത് ചൂണ്ടിക്കാട്ടിയാണ് നിയന്ത്രണം വരുന്നത്. ലോറി ഉടമകളുമായി ഗതാഗത മന്ത്രി എ.കെ.ശശീന്ദ്രന്‍ ചര്‍ച്ച നടത്തിയതിന് ശേഷം മന്ത്രി സ്വന്തം ഓഫീസില്‍ വാര്‍ത്താ സമ്മേളനം വിളിച്ച് കാര്യങ്ങള്‍ വിശദീകരിച്ചിരുന്നു. ചര്‍ച്ച കഴിഞ്ഞ് ലോറി ഉടമകളും സെക്രട്ടറിയേറ്റ് പടിക്കല്‍ വെച്ച് മാധ്യമങ്ങളോട് തങ്ങളുടെ നിലപാട് വിശദീകരിച്ചു.
ഈ സമയം സെക്രട്ടറിമാര്‍ ഉള്‍പ്പെടെയുള്ള ഉദ്യോഗസ്ഥര്‍ക്ക് മാര്‍ഗതടസം ഉണ്ടായി എന്നാണ് ആരോപണം. കഴിഞ്ഞ യുഡിഎഫ് സര്‍ക്കാരിന്റെ കാലത്തായിരുന്നു സെക്രട്ടറിയേറ്റില്‍ മീഡിയാ റൂം സജ്ജീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ