കാക്കനാട്: അടുക്കള മാലിന്യം കളയാന്‍ അമ്മ പുറത്തേക്കിറങ്ങിയതായിരുന്നു. ശക്തമായ കാറ്റില്‍ ഓട്ടോമാറ്റിക് വാതില്‍ തനിയെ അടഞ്ഞു ലോക്കായി. പതിനഞ്ചാം നിലയിലെ ഫഌറ്റിനുള്ളില്‍ ഒന്നര വയസുകാരന്‍ കുടുങ്ങുകയായിരുന്നു.
ഒടുവില്‍ ഫയര്ഫോഴ്സ് എത്തിയാണ് കുഞ്ഞിനെ രക്ഷിച്ചത്. കാക്കനാട് അത്താണിയില്‍ പുറവങ്കരയിലെ ഫഌറ്റിലായിരുന്നു സംഭവം. കുഞ്ഞിന്റെ കരച്ചില്‍ കേട്ട് അമ്മയും മറ്റ് താമസക്കാരും ഓടിയെത്തി എങ്കിലും ഒന്നും ചെയ്യാനായില്ല. വെള്ളിയാഴ്ച രാവിലെ പത്തരയോടെയായിരുന്നു സംഭവം.
സംഭവം അറിഞ്ഞ് തൃക്കാക്കരയില്‍ നിന്നും അഗ്നിശമനസേനയുടെ യൂണിറ്റെത്തി. വാതിലിനോട് ചേര്‍ന്നു നിന്ന് കുട്ടി കരഞ്ഞതിനാല്‍ വാതില്‍ പൊളിച്ച് അകത്തേക്ക് കടക്കാന്‍ സാധിച്ചില്ല. ഇതോടെ വെന്റിലേറ്ററിലൂടെ സാഹസീകമായി ഫഌറ്റിനുള്ളിലേക്ക് കടക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ